Shillong, Jylliew 16: Ka seng “Karatekas of the Association” ha ka jingialam jong u bah Donboklang Lyngdoh, u bah Edwillbert K Nongkynrih bad ka samla Ester Mary Lyngdoh kila ialam 28 ngut ki khynnah na kane ka jylla ban ia shim bynta ha ka 4th KIO National Cadet – Junior bad Sub Junior Karate Championship 2025 kaba la long ha Dehradun, ka jylla Uttarakhand.
Kane ka jingiakop kala neh saw sngi bad na kane ka jylla kala ioh ban rah lai tylli ki takma, ka Esaranaki Kharjana 13 snem kala rah ka jingkhia kaba 50 kg , ha kane ka jingiakop para khynnah kala ioh ia ka Takma Rupa.
Ka Daphishisha Shadap kala rah 48 kilo ha ka kyrdan kiba dang khynnah samla kala ioh ia ka Takma Rynong bad u Royal Jayden Laloo 11 snem napdeng ki khynnah u la rah 40 kg bad u la ioh ia ka takma Rynong.
Na ka liang ka seng ka ai ka jingkhublei ia baroh ki nongiashim bynta baroh kiba la ia lehkai bha bad kyrpang eh ia kiba la wanrah nam ia ka jylla da ka jingioh ka jong ki ia ki takma kiba la trei shitom ha baroh ki sngi ha kine ki jingiakop, kane ka long katkum ka kyrwoh kaba la phah da u bah Ksan Kupar Warjri General Secretary.
