Shillong, Nailar 11: Mynta ka sngi ki paidbah kila ioh ban kem sa u wei u khar Bangladesh na khlaw kaba hap hapoh ka shnong Kaitagona jong ka South West Khasi Hills District, ha dien bala ioh kem la ati sha ki pulit.
Na ki phra ngut kiba la atnad ba kila rung sha Meghalaya kitei ki khar Bangladesh kiba la ioh ban kem ki long 6 ngut haduh mynta ka sngi, ha ka sngi Saitjain la ioh ban kem saw ngut, sngi u blei wei bad mynta ka sngi u wei baroh ki long 6 ngut.
Haba u SP news Agency u la ioh ban ia kren bad ki briew katei ka thain Nongjri kila iathuh ba u wei na kiba nang ban kren Garo u don ia ka pistol bad ki paidbah ki dang thew ia u bad sa u wei u ba dang sah baroh kiba dang sah pat ioh kem ki don ar ngut.
La iathuh ba kane ka jingthwet ia ki ar ngut kiba dang sah sha ki krem ki kroh ki khlaw ki btap dei ki paidbah bad ki shipai BSF bad ki Pulit ruh kila don lang ban thwet ia kine ki riew sniew kiba la wan ban pynmynsaw ia ki briew katei ka thain.
