Shillong, Nohprah 08: Na ka liang jongka Awaken India Movement (AIM) Meghalaya State Unit la khot la iawer ia ki paidbah Nongshong Shnong jong ka thaiñ Ri Bhoi sha ka jingialang paidbah kaban pynlong hapoh Bhoi Rymbong ha ka 10 tarik mynta u bnai Nohprah 2021 naduh kapor 12 baje mynsngi ban ieng pyrshah halor ka jingshah pynbor bad jingshah ban beiñ ki paidbah nongshong shnong jong ka Jylla ban shim ia u Injek Covid TIKA jong ka Khlam Covid-19 kaba la wan lynshop tang da ki bor briew.
Ka AIM ka ieng ban ialeh pyrshah ymtang hapoh Meghalaya hynrei ha baroh ki Jylla kylleng kiba don hapoh ka Ri India baroh kawei. Halor kane ka bynta, nakaliang jongka kynhun kaba ieng iakhun pyrshah na ki bor jong ka Sorkar Kmie bad Sorkar Jylla Meghalaya ka ieng skhem ban dawa ban ioh ia ka Jinglaitluid halor ka hok bad ka jingshisha kumba u paidbah udei ban im bad ruh ban sngewthuh shai kum kita ki Nongialam Sorkar halor ka jingiada kaba la don lypa khlem da pynkheiñ katkum ka ka Riti Synshar jong ka Ri India.
Ka Constitution jong ka Ri India ka la kren shai katkum kita ki Bor bad ki Hok ba Khraw jongka jingiada kaba donkam (Fundamental Rights of the Indian Constitution) ba ki paidbah jong ka Ri India ki don ka hok ban kren ne ban pynpaw katkum ka jingsngew jong ki ia kaba dei bad ruh kumjuh wat ban kyntait ne jied na bynta ka jingbha kaba lah ban iada khlem jingsalia.
Ka AIM Meghalaya ka la ieng ban dawa na ka Sorkar Jylla ban sngap bad sngewthuh lem ia ka jingud jingnam jong ki paidbah kiba Treh ne wat ki Bymtreh ia u Covid TIKA ruh kumjuh namar haduh kat mynta khlem da lah ban pynshai haduh katno kata ka jingiada jong une u TIKA kan iarap haba man la ka sngi ki Nongiap ki dang jyllei ha la ka jong ka Ri bad ruh lada ka jingiap ka wan ban lyngshop ia kano kano ka longbriew manbriew, la iohi shai ba ki bor sorkar kimlah pat ban iada markylliang.
Ka AIM ka kyntu jur ia ki paidbah jongka Ri khamtam kaba long ka Bri jong u Hynniewtrep Hynniewwasa kaba rit paid da shisha ba kum ki paidbah kiba pyrkhat lem ia la Lawei jongka Pateng kaban wan ban mih paidbah bad ai ka jingkyrshan ba pura ïa ka Awaken India Movement (AIM) kaba la thmu ban pynlong ïa ka jingialang paidbah ha katei ka sngi na ka bynta ban iada ia la kajong ka hok bad ruh ban ioh shongsuk hapdeng ka jinglaitluid kaba pura khlem nongpynthut.
Ka Awaken India Movement (AIM) ka ieng rangbah ha baroh kawei ka Ri India ban pynlong ïa ka jingïaid paidbah kaba long da shisha kaba shnong nia bad kam shym long kaba beaiñ namar kadei ka hok jong manla iwei pa iwei u hapdeng jong ki nongshong shnong jong ka Ri ban pynpaw ïa ka jingsngew bad ruh ban iada markylliang lyngba ka jingiatylli kaba pura.
Ka kynhun AIM kada kyntu jur ia ka sorkar, ba kamdei ban long mawjynthut ne long diengpynkiang ha kaba iadei bad kane ka bynta namar kadei ka hok jong uwei pa uwei u nongshong shnong bad lada ka sorkar Meghalaya kam ailad ïa ka AIM ba kan pynlong ïa kane ka jingialang paidbah, kata ka pyni ba kam shym la burom ïa ka Riti Synshar paidbah jong ka Ri India kumjuh lem wat ia ki Rai jongka Supreme Court ne High Court ruh kumjuh. Bah Banshai Marbaniang Chairman Awaken India Movement Meghalaya Unit.
