Shillong, Kyllalyngkot 05: Ka President jong ka Ri India ka Droupadi Murmu, kala ai ia ka jingmynjur ia ka, Viksit Bharat- Guarantee for Rozgar and Ajeevika Mission (Gramin) Bill, 2025 bad mynta kane ka bill kala kylla long ain bad mynta ia ka kyrteng jong ka skhim,Mahatama Gandhi National Rural Employment Guarantee Scheme la pynkylla.
U bah Wankitbok Pohshna State General Secretary ka Meghalaya BJP State Unit haba kren ha ki lat pathai khubor ha ophis jong ka party BJP u la ong ba ka ia ka skhim Mahatma Gandhi National Rural Employment Guarantee Scheme la pynkylla sha ka Viksit Bharat- Guarantee for Rozgar and Ajeevika Mission (Gramin) Act, 2025.
U La ong ba kum ka party kala ioh sngew ia ka jingkynnoh bala pynduh noh ia ka jingbylla shispah sngi bad kane kala wanrah ia ka jingsngewthuh bakla ha ki paidbah, u tei u nongialam jong ka BJP u la ong ba ka sorkar kam shym pynduh hynrei kala pynbun ia ki sngi bylla na ka shispah sngi sha ka shispah 25 sngi.
Katkum ka skhim Mahatma Gandhi National Rural Employment Guarantee Scheme ka long tang ban shna ia ki lynti iaid kjat ha ki shnong ki thaw ha ki nongkyndong hynrei mynta ha kane ka Viksit Bharat- Guarantee for Rozgar and Ajeevika Mission (Gramin) Act, 2025, la shah ruh ia ki shnong ki thaw ba kin shna ia kino kino ki jingshna kiban kyntiew ia ka shong ka thaw.
Ka jingkylla ha kane ka skhim ka long ba ha ka Mahatma Gandhi National Rural Employment Guarantee Scheme ka jingbei pisa ka long beit na ka sorkar pdeng, hynrei mynta kala don ka jingkylla ba ki sorkar jylla ruh kin ia don bynta lang, na ka bynta ka jylla Meghalaya ka jingbei pisa kan long 90% kan bei ka sorkar pdeng bad 10% kan bei ka sorkar jylla, kane kan long na ka bynta ka bai trei bad ka bai bylla.
