Shillong, Nailur 24: ka jingialang jong ka Pradesh Election Committee (PEC) kala shim ia ka rai ban phah ia ka kyrteng jong u bah Batyngshain Laitmon Ryngnga ban ia khun ha kane ka ilekshon shiteng samai na 26-Shella Konstitwensi.
Ia ka jingialang jong ka PEC la pynlong mynta ka miet ha iing jong u Dr Mukul Sangma nongialam ka liang pyrshah, kane ka long katkum ka kyrwoh kaba la phah mynta ka miet ia kaba la soi da u bah WK Kyndiah General Secretary jong ka MPCC.
Ka PEC kala shim tang ia ka kyrteng jong u bah Batyngshain Laitmon Ryngnga ban phah sha ka AICC ban ioh ia ka jingmynjur ba un long u kyrtong ka party ban ia khun ia kane ka ilekshon shiteng samoi na ka 26-Shella konstitwensi ka ban long ha ka 21 tarik jong u bnai Risaw u ban wan.
