Nongpoh, Iaiong 20: Ka seng Hynñiewtrep youths’ council (HYC) Ri-bhoi district ka pynpaw ka jing sngew khia halor k
a jingud ki paidbah jong ka thaiñ Ri-bhoi halor ka jingkiew dor ki mar ki mata khamtam u khaw ba ba shait bam paidbah u ba juh ong ki paidbah u khaw lai ka dor ka poi hakine ki sngi shaduh ka T.1650/- haduh T. 1700spah 50kg la ia ryngkat bad ka dor u khaw Arham.
Ka seng HYC kala ong ba u khaw lai haka por bym pat don ka lockdown ki paidbah ki dang ioh T.1250/- lane T.1300/- 50kg mynta ka la pyn sah umdum iaki paidbah ia ka jing kiew dor kynsan naduh ba trei kam ka lockdown ha poh ka jylla ka jong ngi shi bynta ban iada naka jing pur ka jing pang covid19 kaba lah pur sted ha kylleng ki Ri jong ka pyrthei.
Kaba pyn sah umdum shuh shuh ia ki paidbah ka long ba ka jing kiewdor ki mar ki mata hato ki kiew dor na duh ki mahajon ha sor ne ka kiew tang haki dukan shnong halor kane ka shem jing eh iaki paidbah ban kynnoh iano iano ruh namar ki dukan shnong ki ong kala kiew ka dor naduh por ba ki thied naki mahajon.
Ba Khnang ban pynsuk iaki paidbah ban ujor lada don ki dukan ba die tam iaka dor ka seng HYC Ri-bhoi district ka kyntu bad ka ai jingmut iaki bor synshar district DC jong ka Ri-bhoi lyngba ka tnad trei kam ba peit iaki marbam ba kin shna iaki price list bad ki dei ban sam sha ki dukan.
Ka HYC kala kyntu ruh ia ka DC ba ka dei ban bthah ruh iaki dukan ba kin tah iaki dor ki marbam ha khmat dukan ka jong ki,bad ki bor district ki dei ruh ban Pynshitom iaki to bym tah iaki dor mar bam ha khmat dukan jong ki bad dei ban khang shi syndon ruh iaki dukan ba leh pyrshah.
Namar ka jing kiew dor ki mar bam ka lah ktah shisha iaki paidbah khamtam kiba duna ka jingioh, nalor ka jing bym ioh bylla, ban sa ka jing duk kiew dor sa ki mar ki mata ka lah pyn tyngkhuh jingeh ha duh katta katta khamtam ha kane ka por ba hiran ka pyrthei .
Kumta ka seng ka kyrpad jur iaka ophis jong ka DC Ri-bhoi district ba kin shimkhia khamkloi halor kane ka jing eh ki paidbah. Bad haka juh ka por ka seng ka kyntu iaki nongdie dukan ba kin pyrkhat lem halor ka dor ka mur ki mar bam ba kin sngewbha ban ai ka jingtreilang kum ha kane ka por ban ym shim kabu tang na bynta ka jing myntoi shimet hynrei to Pyrkhat lang iaki paidbah ba mat jingeh kum hakane ka por.
Ka HYC ka pynpaw ba bun hi ki paidbah ki mat ki jingkyrduh khamtam haka liang ka pisa ka tyngka, kane ka long katkum ka kyrwoh kaba la phah da u bah Hercules Suting general secretary jong ka seng HYC Ri Bhoi District.
