Shillong, Nailar 12: U ophisar rangbah duh jong ka jylla Meghalaya u M.S Road u la iathuh ba ka jingialang kaba la long mynta ka sngi bad ki nongialam niam ka long ban ia pynbeit ryntih ia ki kyndon haba plie biang ia ki iing mane, ki kyndon ban iathoh shong kurim bad ban ai ia ka jingkyrshan ha ha kane ka jingai Tika ban iada na kane ka jingpang COVID-19.
U ne u ophisar rangbah duh jong ka jylla u la iathuh ba ha kane ka jingiakynduh mynta ka sngi kala don ka jingiakren ba kan long ka jingai jingmut ia baroh ba lada ka long kaba lah ban pynsngewthuh kin ban wan sha ki jaka mane blei kin long tang kito kiba la dep ban ai Tika.
Ka sorkar ka kwah ban ai Tika ia baroh kito ki briew kiba la dei ban ioh ia ka Tika khamtam ia kito kiba la 18 snem shaneng, ban ioh ia ka jingai Tika kaba 100% ka sorkar kala ioh jingtip ba lada la plie ia ki jaka mane Blei kan iarap ban pynsngewthuh ia kane ka jingai Tika.
Na ka jingtip kaba la ioh la sngewthuh ba 90% ki briew ki long kiba la kloi ban ai ia ka Tika, ka sorkar ka don ka jingkyrmen ba lyngba kane ka jingplie biang ia ki jaka mane blei ki niam baroh kin ioh ia ka lat ban pynsngewthuh paidbah ia kane ka jingai Tika ha ka jylla.
Na ka liang jong ka sorkar ka don ka jingkymren ba lyngba kane ka jingplie ia ki jaka mane blei kan iarap ban pynsngewthuh ha kaba ia dei bad ka jingai Tika, la ong u ophisa rangbah duh ka jylla u M.S Rao.
Kiwei ki nongialam niam, Rev father Richard Majaw, Rev M.J Hynniewta bad u Secretary ka Rama Krishan Mission Swami Hitakamananda, kila pynpaw ia ka jingsngewnguh ia ka sorkar ba la shah ban plie ia ki jaka mane blei.
