Shillong, Jylliew 26: Ka Food and Drug Administration dang shen ka la shah ia ki briew kiba la samla ne heh ka rta ban pyndonkam ia u electronic sikret uba don ia ka jingsma, da kaba ki la iohi ba ka jingdih ia kine ki kynja sikret ba don jingsma ki lah ban pynduna ia ka jingma kaba mih na ka jingdih ia ki duma kiba la ju dih baroh shi katta.
Ka FDA ka iathuh ba ka la shah ia ki saw tylli ki e-cigarette kiba sma menthol ba la pynmih da ka Njoy, kaba long ka kyrteng jong kine ki kynja sikret ba la shimti da ka komapay Altria kaba long ka kompany pynmih duma kaba heh bha, kaba die ruh ia u sikret Marlboro.
Ka jingainam ban pynioh ia kane ka rai kaba thymmai ka iaid sha ki kompany ba shna ia kine ki kynja sikret ne ki vaping company’ kiba la kam la slem bha ba ki mar ba ki pynmih kin iarap ban pynduna ia ka jingdih duma, ia kaba la kynnoh ba ka jingiap jong kumba 480,000 ngut ki nong U.S.
Man la u snem kadei na ka daw jong ka jingpang bampong, ka jingpang jong ki tor bad ka jingpang klongsnam. La die ia kine ki E-cigarette ha U.S. naduh ka snem 2007 hynrei ha kine ki snem ka jingioh nong na ka bynta ki nongdih ka la shah kah syrngiew now da ka jingpyndonkam jong ki khynnah kiba dang sdang khie samla bad kiba dang ha ki khat rta.
Ki kynhun jong ki kmie ki kpa bad kumjuh ki kynhun jong ki briew kiba pyrshah ia ka jingdih duma ki la kren pyrshah mardor ia kane ka rai, kaba la wan hadien bun snem ban pynbor ia ki nongpyniaid ain ban buh da ki jingdih kiba don bad ka jingmad menthod bad kiwei kiwei ki jingmad kiba lah ban khring ia ki khynnah kiba ka rta jong ki ka dang long ha ki khat.
“Kane ka rai ka lah ban wan sha kata ka jingong kaba ngin ym lah ban tehlakam ia ka jingkynrei ka jingdih jong ki khynnah samla ia kine ki jait jingdih duma,” ong ka Meredith Berkman, co-founder jong ka kynhun Parents Against Vaping E-cigarettes.
“Ka FDA sa shisien kala ktah ia ki longing ka America da kaba ka la shah ia kum kane ka karkhana ba kan ioh ia ki nongthied ba shi jingim bad kiba long ki pateng ba bud- kata ki khun jong ka America.”
Ka jingtan jong ki samla ia kine ki jait jingdih duma ba la tip kum ka vaping ka la hiar na kaba ju kiew bha ha ki snem ba la dep, ha kaba kumba 10% na ki khynnah high school la ong ba ki pyndonkam ia ki e-cigarette myn shem snem. Napdeng kito kiba tan ia kine ki jait sikret, 90% ki pyndonkam da kito kiba don jingmad, ba kynthup ia u menthol.
Baroh ki e-cigarette kham ha shwa ba la shah ban pynmih da ka FDA kidei ki duma, ha kaba ym da bun ki khynnah samla kiba dih ia kine kiwei ki kynja sikret ne vape kin pyndonkam.
Ka Njoy kadei kawei na ki lai tylli ki kompany kaba la ioh ia ka jingmynjur kham mynshwa na ka FDA ban pynmih ia kine kiwei ki jait sikret bad la tip kum ki vape.
Kum ba long kito kiwei ki kynja sikret, ar tylli na kum kine ki sikret ba la pynmih da ka Njoy kiba don ia ka jingmad menthol la shna kum i kynja synduk ne cartridge ia kaba lah ban plug ha kino kino ki tiar kiba lah ban pyndonkam biang ban pyn khluid ia ka nicotine kaba don hapoh, bad pynlong ia une u jingdih kum u kynja ba lah ban ring mynsiem.
Ki ar tylli kiwei pat kiba kum kine ki jait sikret ne e-cigarettes ba la pynmih da ka Njoy kiba long menthol kidei kiba lah ban pyndonkam tang shisien.
Ka jingdie ia kine ki jait sikret ba pynmih da ka Njoy ki duna 3% ka jinglah die haba ia nujor bad kiwei ki e-cigarette ba la die ha U.S ha ki snem ba la dep, kane ka long katkum ka jinglum jingkhein jong ka Nielsen ia ka jingdie.
U Vuse, ba la pynmih da ka Reynolds American, bad U Juul ki poi kumba 60% ha ka jingdie ia ki ha iew, bad kaba sah na kata ka iaid sha kiwei pat ki sikret kiba kum kine ki jait kiba pyndonkam tang shi sien pyndonkam.
Bun na ki khynnah kiba dang ha ki khat rta ki dih sikret ha kane ka rukom ki pyndonkam da ki e-cigarette kiba lah ban pyndonkam tang shisien, ba kynthup ia ka u sikret ba la pynmih da ka Elf Bar, uba don jingmad watermelon bad blueberry ice.
Katkum ki jingkhein jong ka Altria la pyni ba ki e-cigarette ba la pynmih da ka Njoy ki iarap ia kiba pyndonkam ba kin duna ka jingtang ia ki chemical kiba sniew kiba mih na ki sikret kiba ki ju dih naduh mynshwa, la ong ka FDA. Kane ka shnat ka la ban jur ba kine ki jait sikret kim dei kiba shngain ne kiba la ioh ia ka “jingmynjur na ka FDA”, bad kino kino ki bym pat ju dih kim dei ban pyndonkam ia ki.
Kane ka jingleh ka long kum shi bynta jong ka jingpynthymmai ka FDA ia ka rukom treikam ban khmih bniah bha katkum ka jingstad saian ia ka iew die ia kine ki vape hadien ba la pynslem ban khmih bniah da ki snem mynta.
Ka iew ha U.S. ia mynta ka kynthup ia bun jait ki vapes kiba don jingmad soh bad jingmad mit mit kiba long beain hynrei kiba lah ban ioh na ki dukan, na ki jaka thep umphniang ne gas station, bad na ki dukan die ia ki vape.
Ka FDA ka hap ban leit mih bad shah bishar da ka iing shari ha kaba kut jong une u bnai jingkhmih bniah ia kine ki vape ba kynthup ia u Juul bad Vuse. Kine ki brand la die ha U.S. da ki snem mynta, bad kiba dang ap ia ka rai jong ka FDA ha kaba iadei bad ki kyndon scientific ba la pyndonkam ha ki.
Khnang ba kine ki jait sikret kin neh ha ka iew, ki kompany kidei ban pyni ba ki e-cigarette kin ai jingmyntoi ia ka koit ka khiah jong ki nongpyndonkam, bad ha kajuh ka por ba kim dei ban long pat kiba khring ia ki khynnah rit.
“Katkum ki jingwad bniah ba la leh da lyngba ka jingstad saian, ki dak ki shin ki long kiba khlain ha kaba iadei bad ka jingioh nong jong ki nongpyndonkam namar ba ki la pyndonkam da ki jingdih kiba kham duna ka jingma bad kane ka la long kaba biang ban pyni na ka duna ka jingma ia ki samla,” ong U Matthew Farrelly jong ka FDA’s Center for Tobacco Products.
Ka jingmih na u Juul ba la pynmih da ka Altria jong ka Richmond ka la kot sha ka $13 billion ha ka snem 2018, mynba kane ka brand ka la bat ia ka iew vape ha U.S. Hynrei ka dor jong u Juul ka la hiar hadien ka mukotduma bad ka jingtohkit kaba iadei bad ka jingiadon bynta jong ka kompany ha kaba iadei bad ka jingkiew sted jong ki khynnah ki bym pat dei ka rta ban dih ia u vape ha baroh kawei ka.
.
