Shillong, Naiwieng 27: U Lamphang ka iing dorbar thawain ka jylla u Thomas A Sangma mynta ka sngi u la pynsmai ia ka Dr. Mehtab Chandee Agitok Sangma kum ka MLA jong ka 56-Gambegre (ST) Assembly Constituency ha ophis jong ka Meghalaya Legislative Assembly.
Ka Dr. Mehtab Chandee Agitok Sangma ka long ba ka kam kaba ha khmat eh kum ka jingiohi jong ka hapoh ka Gambegre Konstitwensi ka dei ki jaka ai jingsumar bad ki surok nalor kiwei kiwei.
Haba kren ha ki lat pathai khubor ha dien ba la dep ia ka jingshim smai kum ka MLA jong ka 56-Gambegre (ST) Assembly Constituency kala kren shai ba ka phang kaba ha khmat eh ka dei ki lat jingsumar bad ki surok nalor kiwei kiwei.
“Khlem da kdew ne kynnoh iano iano kane ka konstitwensi ha ka jingiohi jong ka kum ka doktor, ka long ka don kam ia ki lat jingsumar bad ki surok, kine ki kam kiba hakhmat eh kiba nga don ban peit” la ong bak Dr. Mehtab.
Halor ki jingkynnoh jong ki liang pyrshah kala ong ba, kine ki juh jia haba rem mano manor uh ki don ki daw ban kynnoh,ia katta kam don kano kano ka jingsngew phylla halor katei ka jingkynnoh.
Haba phai sha ka jingiatreilang bad kiwei ki party ha kane ka sorkar MDA, kala ong ba kan nym don kamno ka jingpynthud bad kin dang iai bteng ha ka jingiatreilang na ka bynta ka jylla baroh kawei.
Halor ka jingkylli la ka kan ioh rung ne em sha ka kynhun myntri kala ong ba kam don kum katta ka jingkwah namar ka dang dei tang kaba thymmai ha ka kam bad kila don ruh ki briew kiba kham ha khmat jong ka kam don kum katta ka jingkwah ban don ha ka kynhun myntri.
Kiba la don ha kane ka sngi ban ia sakhi lang ki long u myntri rangbah ka jylla u Conrad K Sangma, ki myntri sorkar, ki MLA kiba don ha ka sorkar, u bah RV Lyngdoh jong ka seng Congress ba dei u Chief Whip ka liang pyrshah u la don lang, ha ryngkat ki nongkyrshan ka party.
