Shillong, Jylliew 02: Mynta ka sngi ka Ganesh das hospital kala kyntait ban shim ia kawei ka long kmie kiba na Mawlai Umjapung ba mut ban leit kha khunlung hapoh katei ka hospital sorkar namar ba la don kam ban shupuid, kane jingbym lah ban pdiang ia kane ka long kmie ha kane ka Hospital sorkar ka dei namar bym biang ia ki tiar puid.
Ia kane la iathuh da ka Dr. Kharmuti ha ki dkhot jong ka seng FKJGP mynta ka sngi ha ka por ba kiba ha iing ha sem kila leit ban rah ia ka long kmie ha katei ka hospital sorkar ban leit kha khunlung ha kaba la don kam ban shupuid.
Ka Dr Karmuti kala iathuh ka daw ka long ba ka sorkar Kam shym la pynbiang ia ki tiar wat la ka Medical superintendent kala phah da ka jingthoh sha ka tnad ka koit ka khiah hynrei Kim shym lah leh, bad na ka liang ka Dr. Kharmuti kala ong ba ka Ganesh das ka dej tang ka district hospital wat la ki dawa ban pynlong Noh ka state hospital ruh na ka liang ka health department kam shym la pynsngap.
Na ka liang jong ki nongialam jong ka seng FLJGP, hadien ka jingbymtreh ban pdiang kumta na ka liang ki bahaiing bad ki doctor ki lah pyrshang ban phone ia ka 108 bad Kam shym la poi wat ar kynta ruh kumta na ka Liang kiba ha iing kim banse ban phone noh Sha u bah Reginald thabah education secretary ka FKJGP ban pyntip ia Kane ka jingjia bad na ka liang ka Seng ka la leit mardor bad kumjuh ban wanrah ia ka ambulance ka seng bad la kit Noh ia ka Kong balari Sha Nazareth hospital.
Ka seng ka dawa na ka sorkar ba ka dei ban siew ia ka jinglut jingsep Jong katei ka longing ki bym banse ban kit ia I Kong balari sha Nazareth hospital namar ba ka buh jingma ia ka kmie bad i khun Kat kum ka jingbatai ka Dr. Na Ganesh das hospital. Halor kane ka jingjia ka seng FKJGP kan leit ban kynduh ia u myntri ka koit ka khiah la sngi nyngkong ban iakren ha kaba iadei bad Kane ka jinggjia.
Ka seng ka phah ia Kane ka jjngmaham ia ka sorkar ba kam dei ban leh Kai bad ka iap ka im Jong ki nongpang khamtam ia u duk u rangli kiba wan najan bad najngai namar ka Ganesh dad ka dei ka hospital na ka bynta ki baduk bad ka sorkar ka dei ban pynbiang ia baroh ki jingdonkam. Kane ka long katkum ka kyrwoh na u Reginald Thabah Education Secretary FKJGP Central Body.
