Shillong, Rymphang 08: Ka Income Tax Act, 2025 kaba la ioh ia ka jingmynjur jong ka President ka Ri India ha u Nailar 2025 kan treikamnoh naduh ka 01/03/2026 jong u bnai Iaiong.
Shuwa ban pynmih ia ka jingpynbna sorkar ia ki rule jong ka Income Tax, ia ki rule kiba la pynwan dur la buh ia ka website: www.incometaxindia.gov.in. haba ia dei bad kane ia ki phom ruh la pynkhreh kane ka long ban ia mir jingmut bad ki kyndon jong ka Income-tax Act, 2025.
La kyrpad ia ki paidbah ba kin pule bniah bad lada ki don kano kano ka jingai jingmut yn dang lah ban peit biang shuwa ban pynmih ia ka jingpynbna ka sorkar ha kaba ia dei bad ki rule, ha ka juh ka por ka Central Board of Direct Taxes (CBDT) ka khot ka wer ba kin ai jingmut.
Ka jingai jigmut kan long ha ki saw bynta, ban pynwan ia ka jingthoh ha ka ktien kaba kham suk, ban pyndun ia ka por lada don kano kano ka jingiaujor, ban pynduna ia ki jingkit khlieh, ban peit bniah ioh don ki rule kiba yn ia hap shuh ha ka phom.
Ban pynsuk ia ki paidbah lada ki don kano kano ka jingai jingmut la buh ia ka jaka kaba kyrpang kaba la tip kum ka e-filing portal, kaba ki paidbah ki lah ban leit sha kane ka https://eportal.incometax.gov.in/iec/foservices/#/pre-login/ita-comprehensive-review.
Ia kane la plie na ka bynta ki paidbah naduh ka 04.02.2026 bad ban bud ryntih ia ki jingbthah ban ai ia ki jingiai jingmut bad ki jingai jingmut kan long beit kumba ka btai halor ki saw tylli ki bynta kiba la kdew shai haneng.
