Indian Rupee 500 Currency Note Bundles – 3D Illustration
New Delhi, Kyllalyngkot 02: Ka India mynta ka don ha ka kyrdan kaba san ha ka pyrthei ha kaba iadei bad ka jingiar ka ioh ka kot bad ka dang iaidshakhmat ban don ka ioh ka kot kaba ha ka kyrdan kaba lai.
Ka jingkut jingmut ka India ban lah ban iakhun ha ki kam ka ioh ka kot bad ban don ka bynta kaba heh ha ka pyrthei ka dei kaba paw shai lyngba ki jingkiew shaphrang ha ki jingbuh kyrdan ha ka pyrthei ha kine ki 10 snem ba la dep.
Hapoh ka jingialam jong u Myntri Rangbah Duh Narendra Modi, ka ri ka la shim ia ki sienjam kiba heh ha kaba iadei bad ka kam logistic, ka kam saindur thymmai, ka jingshngain bad ka jingskhem ha ki kam cyber. Kine ki jingjop ha kine ki 10 snem ba la dep ki la kyntiew ia ka kyrdan jong ka ri bad ki la pynkylla ruh ia ka bynta jong ka India ha ka pyrthei.
Ka jingkiew 42 kyrdan ha ka Ease of Doing Business index hapdeng u 2015 bad 2018 ka la kyntiew ia ka India sha ka ri kaba biang bha ban bei tyngka bad ki rukom treikam kiba pynsuk ha kaba iadei bad ki kamram ba hap ban pyndep bad ka jingbun ki lad ki lynti.
Kumjuh, ka jingkiew ka India na ka kyrdan kaba 71 ha u 2014 sha ka kyrdan 39 ha u 2018 ha ka Global Competitiveness Index ka pyni ia ki jingjop ha ki jingdon jingem, ka jingheh ka iew bad ka jingsaindur thymmai.
Ha u 2022, ki kam jong ka India ban peit ia ka jingshngain ha ka kam pynherliengsuin ka la kiew bha sha ka kyrdan kaba 48 na ka kyrdan kaba 102 ha kaba ka la tam ia ki ri kum ka China, Israel bad Denmark. Kine ki mawmer ki long ka dak jong ka jingbteng ka India ia ki sienjam ban kyntiew ia ka kyrdan jong ka ha ka pyrthei.
Ha u 2024, ka jingkiew ka India ha ka pyrthei ka dei kaba phyllabha ha kaba ki kyrdan kiba ka la kot bad ki jingjop ki la pyni ia ka bor kaba dang kiew jong ka ri.
Naduh ka jingdon hapdeng ki saw tylli ki ri ba hakhmat tam kiba bun tam ka foreign exchange reserve haduh ka jingkiew kyrdan ha ka Global Innovation Index, ka jingkiew shaphrang jong ka India hapoh ka jingialam lynti u Myntri Rangbah Duh Modi ka dei kaba la wanrah shibun ki jingkylla.
Ka jingkiew sted ka ioh ka kot jong ka India hapoh ka jingialam jong u Myntri Rangbah Duh Modi ka long kaba kyrpang. Ka jingseisoh ki kam khaii pateng jong ka India ka la kiew ha kaba ka kyrdan jong ka India ha ka Logistics Performance Index 2023 ka la kiew 16 kyrdan ha kaba ka don mynta ha ka kyrdan kaba 38 hapdeng 139 tylli ki ri.
Kane ka jingkiew kyrdan ka pyni ia ka jingkiew ka bor jong ka India ha ki kam khaii bad ki jingdon jingem. Shuuh shuh, ka India ka la tam ia shibun ki ri kiba la kiewshaphrang ha kaba iadei bad ka por ba donkam ban pyniaid ia ki jhad bad kumta ka la kylla sha kawei na ki jaka pdeng jong ka kam khaii jong ka pyrthei.
Ka la don ka jingkiew ha ka bor treikam ha ki kad lieng, ka jingbei tyngka ha ki jingdon jingem ha ki kad lieng, bad ka jingpyniasoh kaba kham bha ia ki kad lieng hapoh ka projek Sagarmala. Ka por ba donkam ban pyniaid ia ki jhad ha ki kad lieng ba heh jong ka India ka la hiar da 48.65 per cent na ki 93.59 kynta ha u 2013-14 sha ki 48.06 kynta ha u 2023-24
Shuh shuh ka India ka la kot sha u mawmer ha kaba ki foreign exchang reserve ki la tam ia ka USD 700 billion, kaba la buh ia ka ri ha ka kyrdan kaba 4 ha ka pyrthei hadien ka China, Japan bad Switzerland.
Ha kawei pat ka jingjop, ka jingkiew ka India ha ka Global Competitiveness Index 2024 sha ka kyrdan kaba 39 ka dei ka dak jong ka jingpeit bniah ka Sorkar ia ki jingpynkylla kiba iadei bad ka ioh ka kot, kaba la pynkylla ia ka India sha ka ri kaba donbor ha ki iew ha ka pyrthei.
Ha kine ki shiphew snem ba la dep (Iaiong 2014 haduhNailur 2024), ka jingrung ka FDI ka la kot sha ka $709.84 billion, kaba long 68.69% jong baroh ka jingrung ka FDI ha kine ki 24 snem ba la dep.
Ha u 2024, ka India ka la long ka ri kaba don ha ka kyrdan kaba ar ha ka jingpynmih bun tam ia ki nar, hadien ka China. Ka la don ruh ha ka kyrdan kaba ar ha ka
Jingpynmih ia ki mobile kaba la pynskhem ia ka nam jong ka kum ka jaka pdeng ban pynmih ia ki mar.
Ka Global Innovation Index 2024 ka dei ka dak kaba shai halor kane ka jingkiew shaphrang haba ka India ka la kiew sha ka kyrdan kaba 39 na ka kyrdan kaba 81 ha u 2015 kaba pyni ia ka jingkylla jong ka ri sha ka jaka pdeng jong ka jingsaindur thymmai.
Shuh shuh ha ka jingkyntiew ia ka kyrdan jong ka ha kaba iadei bad ka teknoloji, ka India ka la kiew 11 kyrdan ha ka Network Readiness Index 2024, bad mynta ka don hapdeng ki 50 tylli ki ri kiba hakhmat tam.
Ka India ka la ioh ia ka kyrdan ba nyngkong ha ka sap AI bad ka jingshalan ia ki jingai jingshakri ICT, nyngkong ha ka jingpynmih ia ki jingthoh kiba iadei bad ka science AI, ka kyrdan kaba ar ha ka ki nongshim FTTH bad ka jingpyndonkam ia ka internet lyngba ki mobile bad ka kyrdan kaba 3 ha kaba iadei bad ka jingiar jong ka iew ha ka ri.
Kane ka jingkiew shaphrang ka dei namar ki sienjam jong ka Sorkar ban pynkhlain ia ki jingdon jingem kiba iadei bad ki kam digital. Ka India ka don hapdeng ki 10 tylli ki ri kiba hakhmat tam ha ka Patents, Trademarks, and Industrial Designs: WIPO 2024 Report, kaba pyni ia ka jingkiew shaphrang ka ri ha ka intellectual property bad ka bynta kaba heh jong ka ha ka jingwanrah ia ka jingkiew shaphrang ha ki kam teknoloji.
Ym tang kane, ka India ka don ha ka kyrdan kaba 7 ha ka pyrthei ha ka “intangible asset intensity,” kaba pyni ia ka jingkhlain jong ki jingdon jingem kum ki patent bad ki trademark.
Ki kam pule puthi jong ka India ki dang sakhiia ka jingkiew shaphrang ha kaba ka ri ka la kiew ia ki kyrdan ha ka pyrthei. Ka QS World University Rankings: Asia 2025 ka pyni ia ka jingpaw ka India ha kane ka kam ha kaba 7 tylli ki jaka pule jong ka mynta ki don hapdeng ki 100 tylli ki jaka pule ba biang tam ha Asia.
Ym tang kane, ka India ka la dei ka ri ba bun tam ki nongmihkhmat ha ka QS Rankings la arsien mynta ha kaba 162 tylli ki skul bah ki la ioh jingithuh napdeng ki 984 tylli ki jaka pule ha kaba ka la tam ia ka Japan (115) bad China (135).
Kane ka jingjop ka pyni ia ka jingkut jingmut ka ri ban pynbiang ia ka pule puthi kaba bha bad ka jingpynshlur ia ka jingtbit ha ki kam wad bniah. Ki jaka pule kum ki IIT bad ki IIM ki la long ki nuksa ha India bad ha kylleng ka pyrthei.
Namar ka jingpeit bniah ia ka jingkyntiew ia ki jingdon jingem kiba iadei bad ka pule puthi bad ka jingpynshlur ia ka jingsaindur thymmai, ka India ka don ha ka khep ban long kawei na ki ri kiba biang tam ha kaba iadei bad ka pule puthi ba kham halor.
Ki jingdon jingem digital jong ka India ki la kiewbha ha kine ki snem bad ki jingjop jong ka ha ka Global Cybersecurity Index 2024, kaba la kot sha ka thup Tier 1, ka dei ka dak jong kane ka jingkylla. Ka India ka la ioh 98.49 na ka 100 kaba buh ia ka hapdeng ki ri ba hakhmat tam ha ka pyrthei ha kaba iadei bad ka jingshngain ha ki kam cyber.
Une u mawmer u pyni ia ka jingpeit bniah ka Sorkar ban wanrah ia ka jinglong jingman kaba shngain ha ki kam digital na ka bynta ki kam khaii pateng bad ki briew jong ka ri. Ka jingban jur ka Sorkar Modi ha ka jingtei ia ka jinglong jingman kaba skhem ha ki kam cyber ka dei kaba lah ban iohi lyngba ki sienjam kum ka Digital India.
Kane ka dei kaba la pyniar ia ka jingioh internet bad kaba la wanrah ia ki sienjam ban kyntiew ia ka jingshngain ha ki kam online. Ki sienjam ha ki por ba la dep kum ka jingwanrahia ka NCIIPC bad I4C, ki la don ka bynta kaba heh ha ka jingpynkhlain ia ki jingiada ha ki kam cyber ha ka ri kaba la kyntiew ia ka India sha ka nongialam ha ki kam ban pynthikna ka jingshngain ha ki kam cyber ha ka pyrthei.
Ka jingkiew shaphrang ka India ha kaba iadei bad ka jingryngkat kyrdan hapdeng ki shynrang bad kynthei ka paw lyngba ka 2022 Gender Inequality Index, ha kaba ka ri ka la kiew 14 kyrdan, na ka kyrdan kaba 112 ha u 2021 sha ka kyrdan kaba 108.
Kane ka dei namar ka jingieng skhem ka Sorkar Modina ka bynta ka jingpynkupbor ia ki longkmie lyngba ki sienjam kum ka Beti Bachao Beti Padhao, kaba peit bniah ia ka pule puthi, ka jingioh jingsumar bad ka jingshngain jong ki kynthei. Haduh u 2023-2024, ka India kadang bteng ban jam shaphrangha kaba la kham bun ki longkmie ki la rung ha ki kam bad ki la long ki nongialam ha ka kam sain pyrthei.
Ka jingthmu u Myntri Rangbah Duh Modi ban don ka imlang sahlang kaba plie lad ia baroh ka dei kaba la wanrah ia kine ki jingkylla da kaba pynthikna ba la ai jingithuh ia ki jingnoh synniang ki longkmie bad la ai jingkyrshan ia ki ha baroh jait ki kam.
Ka kam jngohkai jong ka India ka la kiewshaphrang bad ka don ha ka kyrdan kaba 39 ha ka Travel and Tourism Development Index (TTDI) 2024. Ki sienjam kum ka Incredible India bad DekhoApnaDeshki la kyntiew ia ka kam jngohkai hapoh ka ri bad nabar ka ri kaba pyni ia ka jingriewspah ka India ha ka deiriti bad ka jinghiar pateng.
Ha u 2024, u Myntri Rangbah Duh Narendra Modi u la pliepaidbah hapoh kaSwadeshDarshanbad skhim PRASHAD. Ka India ka la kiew sha ka kyrdan kaba 3 ha ka Asia Power Index 2024, bad ka la tam ia ka Japan.
Kane ka pyni ia ka jingkiew ka ha ki 10 snem jong ka Sorkar Modi, ka India ka la sakhiia ka jingkhie ka imlang sahlang ha kaba ka la wan biang ka jingsngew sarong shaphang ka jinghiar pateng ka deiriti kaba riewspah.
Naduh ka jingpynthymmai biang ia ki jaka mane ha Jammu and Kashmir haduh ka jingpynkhlain biang ia ki lynti ba leit sha ki jaka ba kyntang kum ka KashiVishwanathDhambad ka jingshna biang ia ki jaka mane ha kyklleng ka ri, kine ki sienjam ki la pyniasoh biang ia ngi bad ki nongrim jong ngi.
Ngi la ai burom ia ki riewkhuid ba ngi la klet kum ka Meera Bai bad ki riewshlur na ki jaitbynriew rilum kum u BhagwanBirsaMunda, katba ki rukom tynrai kum ka Mahakumbhki dei kiba ngi la kyntiew ha kylleng ka pyrthei kaba pyni ia ka jingiar ka jinglong kyntang ka India.
Ki jingrakhe ba la pynkheinia ki rekod kum ka Diwali haAyodhyabad ka jingbuh ia u Sengol ba kyntang ha Parliament ki pyni ia ka jingburom ia ki nongrim jong ka deiriti. Mynta u snem ka jingiaid lynti shiphew snem ban pynurlongia ki sienjamkiba pynthikna ba ki nongrim jong ka India ki ai mynsiem ia ki pateng ban wan.
Une u snem u la sdang da ka jingpynkyntang ia ka Shri Ram LalahaAyodhya, kaba la pynurlong ia ka jingthrang da ki spah snem jong ki million ngut ki briew bad ka jingplie paidbah ia ka jaka mane ki Hindu ba nyngkong ha Abu Dhabi, kaba dei ka dak jong ka jingpoi ki kam kyntang jong ka India sha kiwei kiwei ki ri. Ka la don ruh ka jingai jingithuh ka UNESCO ia ki Moidam bad ka jingwanrah biang ia 297 tylli ki tiar ba hyndai kiba la shah tuh na ka ri.
Ka jingialam lynti u Myntri Rangbah Duh Modi ha u 2024 ka la wanrah ia ka jingkhie biang jong ki nongrim jong ka imlang sahlang ha India bad ka jingsngew sarong shaphang ka deiriti. Ka jingpynkyntang biang ia u Shri Ram Lalaha kaAyodhya Ram Mandirka la long ka por kaba kyrpang kaba la pynurlong ia ka jingthrang kaba la da ki spah snem jong ki Hindu na kylleng ka pyrthei.
Kane ka la ban jur halor ka jinglong kongsan ka Ayodhya ha ka histori jong ka India. Ka jingplie paidbahia ka BAPS Mandirda u Myntri Rangbah Duh Modi, ka jaka mane jong ki Hindu kaba nyngkong ha Abu Dhabi, ka la dei ka por kaba kyrpang ha ka jingiadei ka India bad kiwei kiwei ki ri.
Kane ka jaka mane ka dei ka iing mane ki Hindu kaba nyngkong ha ka thain Middle East bad la saindur ia ka katkum ki nongrim tynrai ba hyndai jong ki Hindu ba tip kum ka ShilpaShastras.
La rakhe ia kane kum ka jingnoh synniang jong ki briew jong ka India kiba don shabar ka ri bad ka dei ruh ka dak jong ka jingiashah hapdeng ki jingngeit bapher bapher ha ka pyrthei.
Hapoh ka ri, la buh ia u maw nongrim jong ka MaaKamakhyaDivyaPariyojana, ka projek lynti kaba kyntiew ia ki lad ka leit ka wan sha ka MaaKamakhya Temple ha Assam, bad ka jingpynneh ia ka hiar pateng ba kyntang jong ka.
[3]Kine ki sienjam ki dei ka dak jong ka jingkut jingmut u Myntri Rangbah Duh Modi ban khyllie im biang ia ka juk ba phyrnaijong ka India bad ban wanrah ia ka jingsngew sarong shaphang ka histori jong ka ri.
Ha u 2024, hapoh ka jingialam ba shemphang jong u Myntri Rangbah Duh Modi, ka India ka la jam shaphrang ha ka jingpynneh bad ka jingrakhe ia ka jinghiar pateng ka deiriti.
Ki sienjam jong ka Sorkar Modi ki la wanrah ia ka jingithuh ia ki Moidam ha Assam kum ka UNESCO World Heritage Site kaba 43 ha India, kaba pyni ia ka bynta kaba heh jong ka deiriti jong ka India na ka bynta ka pyrthei.
Ka jingplie paidbah ia ka “Anubhav Kendra” haKurukshetraka la khyllie im biang ia ki jingthohhyndai kum ka Mahabharata bad Bhagavad Gita kaba pyni ia ka jingieng skhem ka Sorkar ban plie lad ban ioh jingtip shaphang ka hiar pateng jong ka India.
Shuh shuh, ka jingshna biang ia ka Kochrab Ashram ha Gujarat ka la pyni ia ka jingniewkor ka Sorkar ban pynneh ia ki jingngeit tynrai jong u Gandhi, katba ka jingbuh ia u maw nongrim jong ka ShriKalkiDhamhaSambhalka pyni ia ka jingpeitbniah ban kyntiew ia ki jaka pdeng jong ka jinglong kyntang bad ka deiriti.
Kine ki sienjam ki pyni ia ka jingpeit bniah ka Sorkar Modi ban pynneh ia ka jingnang jingstad ba hyndai jong ka India bad ka jingpynkhreh ia ka lynti na ka bynta ka lawei.
Ha u snem mang tyngka 2024, ka Khadi and Village Industries Commission (KVIC) ka la lah die palat T1.5 lak klur ki mar bad ka la plie lad ban ioh 10 lak ki kam, kaba long ka dak jong ka Atmanirbhar Bharat.
Kane ka jingkiew shaphrang ka pyniaia ka jingkiew ka khadi ha kylleng ka pyrthei kaba ioh bor na ka vocal for local, kaba pyniasoh ia ki rukom tynrai bad ka jingianeh bad ka jingsaindur thymmai katkum ka juk mynta.
Ha u 2024 ka India ka la rakhe ia ka jingiar ka ktien ka thylliej jong ka ri da kaba ai jingithuh Classical Language ia ka Assamese, Bengali, Marathi, Pali badPrakrit.
Kane ka jingai jingithuh ka long ka jingai burom ia ka jinghiar pateng ka ktien ka thylliej bad ka pynkhlain ruh ia ka jingpynneh ia ka deiriti. Shuh shuh, ka jingplie biang ia baroh saw tylli ki khyrdop jong ka Shree Jagannath Temple haPuri ha ka 13 tarik u Jylliew, 2024 ka dei ka jingpynurlong ia ka jingdawa ba la slem na ki nongngeit bad ka la wanrah biang ia ka jingioh ban rung suk sha kane ka jaka ba kyntang.
Ka jingpynkylla kyrteng ia ka Port Blair sha ka ‘Sri VijayaPuram’ ha ka 13 tarik u Nailur, 2024 ka la ban biang halor ka jingkut jingmut ka India ban burom ia la ka histori, khamtam ka jinglong kyrpang kane ka thain ha ka jingiakhun na ka bynta ka jinglaitluid jong ka ri.
Ka India ka dang pynkhreh ruh ia ka MahaKumbhMela 2025, ka ban long ha Prayagrajnaduh ka 13 tarik u Kyllalyngkot haduh ka 26 tarik u Rymphang, 2025. La khmih lynti ba kane kan long ka jingialum kaba kyntang kaba heh tam ha ka pyrthei ka ban khring kumba 45 klur (450 million) ngut ki briew.
Ha u 2024, ka India ka la jam shaphrang ha ki jingiadei bad kiwei kiwei ki ri lyngba ka deiriti, kaba la pynskhem ia ka jinglong nongialam jong ka ha ka pyrthei. Ka India bad ka USA ki la iasoi ia ka ‘Cultural Property Agreement,’ kaba nyngkong kaba thmu ban iada ia ki jingdon jingem kiba iadei bad ka deiriti na ka jingdie beain.
Ha ka 15 tarik u Naiwieng, 2024, kaU.S.ka la pynphai sha ka India palat 1,400 tylli ki tiar hyndai kiba la shah tuh kiba kot sha kumba $10 million. Ha u Nailur 2024, ha ka prokram ba iadonlang u Myntri Rangbah Duh Narendra Modi bad u President ka US u Joe Biden, la pynphai 297 tylli ki tiar ba hyndai sha ka India.
Ha kawei pat ka sienjam, 100 ngut ki longkmie ba saindur ki la ialam ia ka Republic Day Parade ha ka sien kaba nyngkong kaba pyni ia ka jingkut jingmut ka Sorkar ban pynkupbor ia ki longkmie bad ban wanrah ia ka jingryntih kyrdan hapdeng ki shynrang bad kynthei.
Kine ki sienjam ki pyni ia ka bor jong ka India kaba dang kiew kaba iadei bad ka deiriti lyngba ka jingthmu u Myntri Rngbah Duh ban ialam ia ka ri sha ka jingioh jingithuh shuh shuh ha ka pyrthei bad ka jingburom ia ki rukom tynrai ba riewspah jong ka ri.
Ha u 2024, hapoh ka jingialam jong u Myntri Rangbah Duh Modi, ka India ka la wanrah ia ki sienjam na ka bynta ki jingkylla kaba pyniasoh ia ki projek kiba iadei bad ka deiritibad ki jingdon jingem bad ka ioh ka kot.
Ka jingpynbna shaphang ka jingkyntiew ia ka lynti na ka bynta ka Vishnupad Temple ha Bihar bad ka Mahabodhi Temple ha Bodh Gaya kan kyntiew ia ka kam jngohkai na ka bynta ki kam kyntang bad kan kyntiew ia ka ioh ka kot ha kine ki thain.
Da kaba kyntiew ia ki lad ka leit ka wan sha kine ki ar tylli ki jaka ba kyntang ha India, kine ki projek kin pyndap ia ki jaka ba sudaja ka jinghiar pateng ki jaka ba kyntang jong ka India bad ki jingdon jingem katkum ka juk mynta
La buh ruh ia u maw nongrim jong ka National Maritime Heritage Complex haLothal, Gujarat, kaba long ka sienjam kaba heh ban pynneh ia ki kam jong ka India kiba iadei bad ka jingpyndonkam ia ki duriaw na ka bynta ka leit ka wan.
Yn kyntiew ia ka Lothalkum ka kad lieng kaba hyndai tam jong ka pyrthei bad ka jaka jong ka Indus Valley Civilization kaba pyni ia ki kam jong ka India kiba iadei bad ki duriaw kiba la palat 4,500 snem.
La khmih lynti ba ka jingpyntreikam ia kane ka projek kan plie 22,000 tylli ki kam, 15,000 ha ki jaka trei bad 7,000 kiba iadei bad kine ki jaka trei ka ban kyntiew ia ka ioh ka kot ha kien ki jaka bad wanrah ia ka roi ka par kaba iaineh ia ki briew ha kine ki jaka.
U Myntri Rangbah Duh u la pliepaidbahia ka BodolandMohotsavkaba nyngkong ha Delhi, kaba long ka jingrakhe ia ka jinglong kyrpang ka deiriti, ki rukom tynrai bad ka histori jong ka thain Bodoland.
U la pliepaidbah ruh ia ka AshtalakshmiMahotsavkaba pyni ia ka deiriti ba riewspah jong ka thain shateilammihngi. Kine ki jingrakhe ia ka deiriti ki pynkhlain ia ka jinthmu jong u Myntri Rangbah Duh Modi ban pynneh bad kyntiew ia ka deiriti ba iar jong ka India bad ka jingpyniasoh ia ki jaitbynriew bapher bapher.
Ka jingiaid lynti sha ka bynta kaba pdeng jong ka Sanatan Dharma: MahaKumbh 2025 ka kam kyntang jong ka jingngeit ha ka 02 tarik u Kyllalyngkot 2025 ha ka por 1:08 baje noh phaisngi.
Hapdeng ka jingngeit kaba kyntang, ka Central Hospital ha MahaKumbh Nagar ka pdiang ia ka bynta kaba thymmai jong ka jingkyrmen. Ka jingkha ia i khun kynthei ba kyrteng ‘Ganga,’ hashuwa ka jingsdang ka MahaKumbh festival, ka dei ka dak jong ka jingkhuid bad ka jingkongsan jong ki wah ba kyntang.
Lyngba ka jingkha jong ikhunshynrang‘Kumbh,’ kine ki jingkha ki pyni ia ka jingiaid ka jingim bad ki jingkyrkhu jong kane ka MahaKumbh. Kane kahospital kaba la treikam shuwa ka jingsdang jong ka MahaKumbh, ka dei ka dak jong ka jingpynkhreh kaba bniah da ka Sorkar Uttar Pradesh.
Kane ka jaka sumar ka don lut ki jingai jingshakri katkum ka juk mynta bad ka pynthikna ba ka jingkyntang jong ka MahaKumbhka wan ryngkat bad ka jingieng skhem na ka bynta ka bha ka miat jong ki briew ha kaba la pyniasoh lang ia ka deiriti bad ka roi ka par.
Ka Maha Kumbh, kaba la khein kum ka bynta kaba halor tam jong ka Sanatan Dharma, kan sdang ha Prayagraj ha u 2025.Kane ka dei kaba la tip kum “U Syiem jong ki jingleitpilkrim” lane Tirthraj, ka Prayagrajka dei ka nongbah ha kaba ki khana tang, ka jingngeit bad ka histori ki iasoh lang bad kumta ka dei ka dak jong kadeiritiSanatan.
Kane ka jaka ba kyntang, ha kaba ka Ganga, Yamuna bad ka Saraswati ki iasoh biang, ka dei kaba khringbha ia ki kam kiba iadei bad ka jingngeit jong ki million ngut ki briew kiba wad ia ka jingkyrkhu. Hangne ka MahaKumbhka kylla sha ka jingiaid lynti ha ka bneng–ka ‘triveni’ jong ka jingngeit, ka jingpynleit jingmut bad ka niam.
Hapdeng ki bynta kiba kongsan jong ka Prayagrajka dei ka Baba LoknathMahadev temple ha Loknath.Kane ka dei ka ‘pratiroop’ jong u Baba Vishwanath bad ka jaka mane Baba Loknath ka dei ka jaka jong ka jingngeit ba shirta.
Ki khana shaphang ne u Shiva Linga ki dei kiba lah ban iohi ha ka SkandaPuranabad Mahabharata, kaba pyni ia ka nongrim ba hyndai. Ki nongleitpilkrim kiba kwahia ka jingkyrkhu u Baba Loknath ki lah ban pynduna ia ki jingkhuslai jong ki bad ha ka MahaKumbh, da ki hajar ngut kin wan sha kane ka jaka ba kyntang ban sakhi ia ka jinglong kyntang.
Ia ka jingiadei jong kane ka jaka bad ka deiriti la iohi lyngba ka jingiadei jong ka bad u Madan Mohan Malviya. Ka jingiaid pilkrim Shiv Barat ha kaShivratri bad ki jingrakhe Holi ki kyntiew shuh shuhia ka jinglong kyntang kaPrayagraj. Katba ka nongbah ka pynkhrehia ka MahaKumbh, ka jaka mane u Baba Loknath kan long ka jaka pdeng ia ki briew na kylleng ka pyrthei.
Ka bynta Akharajong ka nongbahha ka MahaKumbh ka dap da ka jingngeit haba ki riewkhuid Naga bad kiwei kiwei ki riewkhuid ki ialum ban pyndep ia ki jinglehniam, ki jingpynleit jingmut bad ka jingiasam ia ka jingshemphang. Hapdeng kine, ki khana jong u Mahant ShravanGiri bad Mahant Tara Giri ki don la ka jinglong kyrpang.
Ka jingieid jong ki ia ki jingri – Lalibad Soma – ka dei ka dak jong ka jingsngewlem ha ka Sanatan Dharma, ha kaba la khein ba baroh ki jingim ki long kiba kyntang. Kine ki riewkhuid, kiba la kyntaitia ka riam pyrthei, ki shem ia ka jingiadei bad ki jingri jong ki, kaba dei ka dak jong ka ahimsa (jingkyntait ia ka jingiaumsnam) bad ka jingieid kaba khraw.
Kine ki khana ki pyni ia ka jingim jong ki bad ki ban jur halor ka nongrim jong ka MahaKumb ha ka jingai bynta ia baroh, kaba pyniasoh ia ka jingngeit bad ka jingkmen ban don ka jingim.
Ka Maharishi Durvasa Ashram, kaba don ha ka bynta Jhunsi ,ka dei sa kawei ka bynta jong ka jinglong kyntang ka Prayagraj. Kane ka jaka ba hyndai, ka iadei bad u riewkhuid Maharishi Durvasa, bad ka dei ka khana jong ka jingpanmap bad ka jingioh biang ia ka jingim.
La ong ba ka jingngeit ba skhem jong u Maharishi Durvasa ka la pynsngewbhaia u Lord Shiva uba la ai jingiada ia u na kaSudarshan Chakra jong u Lord Vishnu. UShivling ba la tei da une u riewkhuid ka bteng ban ai jingkyrmenia ki briew kiba wd ia ka ‘abhaydaan’ (jinglait na ka jingtieng).
Kum ka jingpynkhrehia ka MahaKumbh, la pynthymmai ia kane ka ashram lyngba ki khyrdop ba saw bad ki jingai jingshakri kiba khot ia ki nongleitpilkrim ba kin sakhi ia ka jinglong kyntang. Ka long ka jingpynkynmawia ka jingiadei ba shirta hapdeng ki khanahyndai bad ka jingngeit kaba long ka bynta kaba heh jong ka Prayagraj.
La ong ba ka Kumbhka dei ka jingrakhe kaba saw bynta — ka jingiaid lynti ha ka jingngeit, ka kam logistic kaba kyrpang, ka kam kaba phylla ha ka ioh ka kot bad ka dak jong ka jingiatylli ha ka pyrthei.
Ka Kalpvas, ha kaba ki briew ki laitna ka pyrthei digital ban pdiang ia ki jingshisha jong ka jingim ka dei ka dak jong ka jingkylla ba ka MahaKumbh ka wanrah. Ka MahaKumbh kam dei tang ka prokram; ka dei ka rukom im, ka kam kaba iaid lyngba ka jinglong kyntang. Ka bynta ba kongsan jong ka ka dei ka satsangjong ki riewkhuid ha kaba ka dharma ka iasoh bad ka ioh ka kot, da kaba bat ia ki jingngeit jong ka Sanatan Vedic Hinduism.
Katba ka Sangamka ap khmih lynti ia ki million ngut ki briew ha u 2025, ka MahaKumbh kan dei ka kam kaba kyntang kaba ym pat juiohi. Ka dei ka jingkhot ban pyniasoh biang bad ki nongrim, sakhiia ka jingshemphang jong ka Sanatan Dharma, bd iashim bynta ha ka jingrakhe kaba kyrpang.
Na ki jingkyrkhu jong u Baba Loknathsha ki khana shaphang u Maharishi Durvasa, na ki jingiadei ba don jingsngewlem sha ki kam ba phylla ha ka jingim, ka MahaKumbhka dei ka jingiadoh jong ka jingngeit, ka jinglong kyntang bad ka jingioh ia ka jingbha.
bor jong ka India ha kane ka thain kaba wan namar ki sienjam kum ka Act East Policy bad ka jinglong nongialam ha ki rynsan jong ka pyrthei. Hapoh ka jingialam u Myntri Rangbah Duh Modi, ka kyrdan bad ka bor jong ka India ha ka pyrthei ka dang bteng ban kiew.
