Shillong, Jylliew 09: U Bah Sainkupar Nongtraw general secretary u ba dei ruh u nongpathai khubor ka seng HNLC kaba la niew beain da ka sorkar, ha ka jingphah khubor mynta ka sngi u la ong ba ka jingbuhpor jong ka “Harijan panchayat” ia ka municipal bad ia ka sorkar ka long kum ka jingmaham, namar kane ka kam kala shah mynta la kumba 30 snem khlem lah ban pynbeit.
UGeneral Secretary jong kane ka seng ba la shah niew beain, u la ong ba ka sorkar kam dei ban pynjem halor kine ki jingbyrngem, la ong baroh kitip ba kane ka Harijan colony ka dei ka ktem jong ki riew runar ha kaba ki kynthei khynnah ki slai ban iaid na katei ka jaka yn la sdang dum.
U Bah Nongtraw u la kdew ba 70% na ki briew kiba shong ha kane ka jaka ki dei kiba shong beain bad kim dei ruh ki briew kiba trei hapoh jong ka Shillong Municipal, kumta ba kin kam ba kin sah ha kane ka jaka kim don hok, ia ki iing kila aiwai kylla ha ka dor kaba rem. Kiba sah ha kane ka jaka kim dei kiba shah ban bein kumba la pynpaw baroh shikatta.
Ha kane ka jingpynlai khubor mynta ka sngi u tei u General Secretary ka seng HNLC, la ong ba u panchayat u dei ban kynmaw ba dei ka seng HNLA kaba shim ia ka jingim jong u Lal Singh ha ki snem kiba la leit noh namar ki kam runar ki jong u.
Na ka liang jong u Bah Nongtraw general secretary katei ka seng ba la niew beain, u la ong ba ka sorkar kam dei ban sngap ia katei ka jingbuhpor , hynrei ka dei ban leh kloi noh ban wad ia ki jingshisha ia u nongshong ba shisah bad u ba wan shong beain, haba ka sorkar kala don ka jaka ban rah ia ki kaei ka jingeh jong ki, u la kylli.
U Bah Nongtraw u la ong ba kane kam dei ka jaka jong ki, ha ka jingshisha kila dei ban sngewnguh namar ki briew kila long kiba iaishah, haba ia dei bad ka jingtuklar jong ka sorkar Pynjab yn dei ban shah namar ha Pynjab yn nym lah ban leit kam ia ka jaka jong ki, hynrei ha kane ka jylla ki kam ia ka jaka.
Kane ka dei ka kam kaba khia bad u Myntri Rangbah ka jylla u dei ban leh ei ei noh ban weng ia kane ka jingeh, lada ka “Harijan panchayat committee” ka dang pyneh ka seng kan wad ia ka lynti ban pynbeit ia kane, namar kine ki briew kim burom ia ki trai shnong bad wat ia ka sorkar jylla, hynrei ki byrngem ban leit ujor sha iing bishar, la ong u Bah Sainkupar Nongtraw General Secretary ba dei ruh u publicity Secretary jong ka seng HNLC bala niew beain ha ka jingpynlait khubor jong u mynta ka sngi.
