Shillong, Lber 15: Ha kine ki khyndiat sngi la iohi,ia kawei ka jingthoh kaba la saphriang lyngba ki social media, bad katkum bapaw, la batai ba ia kane ka jingthoh la thoh da U Bah Sainkupar Nongtraw lyngba ka facebook. ha kane ka jingthoh la kdew ia ki kyrteng jong ki seng riewlum kiba la duh noh.
Kito ki seng ki long kum ka APHLC, HPU, PDIC, MPPP, MNCP bad PDA, hynrei la paw ruh ka kyrteng jong ka seng KHNAM kum ka seng kaba la duhnoh, ia kaba na ka liang ka seng ki kwah ban pynshai ba ka KHNAM kam pat duh hynrei ka dang don haduh mynta bad ka dang pynkhrehruh ia ka election sha ka District Council.
Kum ka party KHNAM ki pynrem ia ki jingthoh namar ki dei ki jingthoh kiba leh se kin hap ban kubur ba ka jingbun ki seng riewlum ka pyntlot ia ka sain Hima Sima trai ri bad ka plié lad ia ki nongwei ban tuklar ia ka synshar ka khadar ha ka jylla.
Lada kan wan ka por ban mih tang kawei ka sengriewlum, ka KHNAM ka long kaba kloi ban ia treilang, hynrei ia kaba mynta hi ka KHNAM kan dang iai don ban pyndep ia la ka deity bad kin iai apkhmih lynti ia ka sngi jong ka jingiatylli, la ong u bah F. Marpna general secretary ka KHNAM ha ka kyrwoh.
