Shillong, Kyllalyngkot 24: Halor ka jingdawa jong ka party UDP ban pynjari ia ka jingshynshar Administrator Rule hapoh jong ka Khasi Hills Autonomous District (KHADC) kan nym poi shaei shaei ruh la ong u Chief Executive member u Bah Latiplang Kharkongor.
Haba kren ha ki lat pathai khubor mynta ka sngi ha ophis trei kam jong u u la ong ba ka UDP naduh ka 22/11/2019 ba khyllem ka Executive Committee ba la ialam da ka UDP kila dawa ia ka AR hynrei mynta la ar bnai kata ka AR kam shym la lah ban pyntrei kam.
U CEM jong ka KHADC u la ong ba lada ki don ia ka jingbun paid wan sha iing dorbar, hynrei ki shu ia kam ha surok ba ki don ia ka jingbun paid bad kila pynsawa jam ia ka jingong ba kan wan kata ka jingsynshar AR, shaei kata ka AR mynta la ar bnai kam pat don.
U CEM jong ka KHADC u la kynnoh ba ka jingbym phah ka sorkar ia ka kyrteng jong ki Executive member ban ioh ia ka jingmynjur jong u lat kane ka dei ka jingleh don bor jong ka sorkar.
Halor ka jingong ba ia u CEM lah ban pynkhyllem sha bar jong ka iing dorbar haei kata ka rule kaba la thoh ha ka AD Rule, ka jingkwah jong ka sorkar ban wanrah ia ka AR ka dei ka jingleh don bor ka kynthoh u CEM ka KHADC u bah Latiplang.
