Shillong, Naitung 13: U Harsh Verdhan u wei na ki nongbishar ha ka jingiakop shad “Hiphop” kaba la long mynta ka sngi ha kane ka nongbah Shillong u la ong ba ka jingjyllei jong ka jingdih drok kala long ha kylleng jong ka Ri India.
Haba kren ha ki lad pathai khubor ha dien ka jingiakop shad u la phah ia kane ka khubor sha baroh, “ Ban lait pynbyrngia ia ki khun samla, ha ki jingshad” haba ki khun samla ki don ha ki jingialeh kai kiba pher bapher ki lait na ka jingshah ialam bakla, la ong u Harsh.
U la ong ba ka jingshad ruh ka long kawei na ki lad ban pynlait ia ki khun samla ba kin ngop ha ki jingsniew, haba u ne ka ki don ha ka kam kim don por ban pyekhat ia kino kino ban ia lam sha ka jingsniew.
U Harsh u la wan na Mumbai ban long u wei na ki nongbishar ha kane ka jingiakop shad “Hiphop” ha kaneka nongbah Sihillong ba la pynlong da ka Ministry Dance Shillong.
