Shillong, Lber 23: Ka Assam Rifles Commanders Conference 2025 ka la long ha Headquarter Directorate General Assam Rifles, Laitkor, Shillong, ha ka 23 tarik Lber 2026 hapoh ka jingpyniaid jong u Lieutenant General Vikas Lakhera, AVSM, SM, Director General Assam Rifles. Ha kane ka jingialang la sakhi ia ka jingiashim bynta na ki Formation Commander, ki Battalion Commander, bad ki Staff Officer na Headquarter DGAR bad ki formation bapher bapher.
U Lieutenant General Vikas Lakhera, AVSM, SM, DG Assam Rifles u la ïaroh ïa baroh ki kyrdan jong ka kynhun shipai na ka bynta ka jinglong ba tbit bad ka jingtreikam jong ki hapoh ki jingeh. U la ban jur halor ka jingdonkam ban pynneh pynsah ïa ka jingshngaiñ bad ka jinglong kyntang jong ka thain khappud Indo-Myanmar bad them Kashmir bad u la ong ba ka Assam Rifles kadei ban long kaba la pynkhreh na ka bynta baroh ki jingeh bad ki jingeh ba iadei bad ka jingshngain ki ban mih hadien habud.
Ha kane ka jingialang la don ruh ki jingiakren kiba bniah halor ka jingkyntiew ia ka bor treikam bad ka bor iakhun jong ka kynhun shipai. Ki jingiakren ki kynthup ia ka jingthaw ia ka rukom pynkhreh kam ban wanrah ia ki tiar kiba katkum ka juk mynta, ka jingiasam ia ki rukom treikam kiba bha tam ha kylleng ki kynhun, bad ka jingpynkhlain ia ki sienjam ai jinghikai bad kyntiew ia ka jingtbit na ka bynta ki shipai.
Ha kane ka jingialang, la sam ruh ïa ka Assam Rifles Rajbhasha Shield Yojna, ha kaba 23 tylli ki Assam Rifles ki la ïoh ïa ka kyrdan ba Nyngkong, 28 tylli ki Assam Rifles ki la ïoh ïa ka kyrdan ba Ar, bad 34 tylli ki Assam Rifles ki la ïoh ïa ka kyrdan ba Lai na ka bynta ka jingpyntreikam bha jong ki ïa ki sienjam Rajbhasha.
U Director General u la ïaroh shuh shuh ïa ki sienjam jong ki Formation bad ki Unit Commander ha kaba pynneh ïa ka shongsuk shongsaiñ bad ka jingskhem ha la ki jong ki jong ki jaka ba kidei khmih bad kyntu ïa ki ban long kiba peitngor ia ka jinglong ka shongsuk shongsain. Ka jingialang ka la kut da ka jingkut jingmut ba thymmai na baroh ki nongiashim bynta ban bteng ia ka jingtbit ha baroh ki kam.
