Shillong, Kyllalyngkot 03: Ka jingialang ha pdeng ka KHADC, ki khliehnongsynshar bad dorbar kur kaba la buh ban long ha ka 11 tarik mynta u bnai la pynkynriah sha ka 18/Kyllalyngkot/2025 ka ban long ha Madan Polo.
Ha kane ka jingialang na ka liang jong ka KHADC kala khot ia u Lat ka jylla u Symbut myntri rangbah ka jylla ba dei peit ia ka District Council ban ia don lang ha kane ka jingialang kaba la pynbeit da ka KHADC.
Ha kane ka jingialang la khot ia baroh ki khlieh nongsynshar, ki dorbar kur ban ia poi lang ha katei ka jingialang kaba kyrpang ban pynshai paidbah halor ki lai tylli ki ain kiba la ioh ia ka jingmynjur na u Lat ka jylla kaba dei bad ka kam hima sima bad ban pynkhlain ia ki dorbar kur.
Ha kaba sdang ia kane ka jingialang la buh nyngkong bakan long ha ka 14/Nohprah/2024 na ki daw kiba ym lah ban kiar la rah sha ka 11/Kyllalyngkot/ 2025, halor kane ka juh phang la rah biang ia ka jingialang sha ka 18/01/2025.
