New Delhi, Kyllalyngkot 07: Ka National Textiles Ministers’ Conference 2026, kaba pynlong da ka tnat Textiles, ha ka jingiatreilang bad ka Sorkar Assam, kan sdang lashai ka sngi, ka 8 tarik u Kyllalyngkot ha Guwahati, Assam.
Kane ka Conference kaba ar sngi ka dei ka ban pynlong hapoh ka phang “India’s Textiles: Weaving Growth, Heritage & Innovation”, kaba wanrah lang ia ki Myntri kiba dei peit ia ka kam shna jain bad ki ophisar na ki jylla bad ki Union Territory na baroh kawei ka ri.
Kane ka Conference kaba ar sngi ka thmu ban ai ka rynsan na ka bynta ki jingiakren shaphang ki polisi, ka jingbei tyngka, ka jingpynneh ia ki kam, ka jingshalan mar, ka jingkyntiew ia ki jingdon jingem, bad ka jingkiew ka teknoloji kaba iadei bad ka kam pynmih jain.
Ka iahap bad ka jing thmu jong ka Sorkar ban kyntiew ia ka India kum ka jaka pdeng jong ka kam pynmih jain jong ka pyrthei shuwa u snem 2030, da kaba peit bniah ia ka jingkyntiew ia ka jingshalan mar, ka jingai kam, bad ka roi ka par ia baroh, katkum ka nongrim jong ka “Vikas Bhi, VirasatBhi”.
Ka bynta kaba nyngkong ha ka 8 tarik u Kyllalyngkot 2026 kan don ka jingiashim bynta da u Myntri Sorkar Pdeng ba dei khmih ia ka tnad Textiles, Giriraj Singh, u Myntri Rangbah ka Assam, Dr. Himanta Biswa Sarma, U Myntri Khynnah ka tnat Textiles Pabitra Margherita bad kiwei kiwei ki kynrem ki lyndan. Ka bynta kaba nyngkong kan don ia ka Exhibition bad Pavilion, kaba pyni ia ka bor jong ka India ha ka kam pynmih jain, ka jingsaindur thymmai bad ka dustur kaba riewspah.
Ka Conference kan peit ia ki bynta kiba kongsan kum ki jingdon jingem bad ka jingbei tyngka, ka jingpyniar ia ka kam shalan jain jong ka India, ki mar ba donkam bad ki ksai, ki Technical Textile bad ki New-Age Fibre, bad ka jingpynneh bad jingkyntiew ia ki kam thain jain da ka kti.
Yn peit bniah ia ki sienjam ba kyrpang kum ki PM Mega Integrated Textile Regions and Apparel (PM MITRA) Park, ka jingpynneh bad ka jingiada ia ka mariang, ki technical textile, ka jingsaindur thymmai bad ka jingkyntiew ia ki kam.
Ki Myntri bad ki ophisar na ki jylla bad ki Union Territory na kylleng ka ri kin iawan iashim bynta bad pyni ia ki rukom treikam ba bha tam, ki jingeh bad ki jingai jingmut na ka bynta ki polisi kiba thmu ban kyntiew ia ka kam shna jain ha ki thain bad ki distrik bapher bapher.
Ka conclave halor ka phang “Strengthening and Empowering the Textiles Sector of the North-Eastern Region of India” kan long ha ka 8 tarik u Kyllalyngkot 2026, ha kaba ki mynti kiba dei khmih ia ka kam shna jain na ki jylla ka thain shatei lammihngi, ki dkhot ka parliament bad ki ophisar na ka Sorkar Pdeng bad ki Sorkar Jylla kin iawan iashim bynta.
Ka Conclave kan peit bniah ia ka jingplie ia ki lad kiba don ha ka jain silk na ka thain shatei lammihngi, ki jain ba thain da ka kti, ki mar ba shna da ka kti, bad ki jain ba shna na ki siej, da kaba ban jur halor ka Eri, Muga bad Mulberry silk, ki kam ba lonkhlieh da ki kynthei, ka jingpyniaid iew bad ka jingioh bynta ha ki iew.
La khmih lynti ba ka National Textiles Ministers’ Conference kan pynkhlain ia ka jingiatreilang hapdeng ka Sorkar Pdeng bad ki Sorkar Jylla bad wanrah ia ka rukom treikam kaba shai na ka bynta ka kam shna jain kaba lah ban iakhun, kaba iaineh bad kaba ai bynta lang ia baroh.
