Shillong, Nohprah 28: Ka Shlem jingiarap kiba duk kaba la pynlong na ka ophis jong u u Rupang mynta ka sngi kala lah ban ai jingiarap ia ki hynniew ngut kiba duk na kiba duk tam na ka jaidbynriew khasi ha ka jingialang kaba la pynlong ha Mawkhar Christian HSS Mawkhar.
U bah Banker Lapang u trai jong ka Betsi-TV haba kren kum u kongsan ha kane ka jingai jingiarap ia kiba duk la ong ba ka jingiarap ka dei ban long kaba khuid bad khlem da don ka jingkhmih lynti ban ioh kyliang, la ong ba ki don bun kiba kwah ban iarap hynrei ym don ia ki briew ban trei ia ka kam.
Ha kane ka jingialang u la ong ba na ka liang jong ka Batesi TV ka long kaba la kloi ban ia treilang noh bad kane ka Shlem jingiarap ia kiba duk kaba la pyniaid da u Rupang kaba la kot mynta sha ka sien kaba khatar.
U Secretary jong kane ka Shlem jingiarap ia kiba duk u bah Kular Khongjirem, la ong ba mynta u snem kila lah ban ai jingiarap ia ki hynniew tylli ki long iing, la iathuh ba ka pisa kaba la ioh da ka jingnoh syniang ki paidbah kala long T.45000/- tyngka bad ki jingiarap kaba kila thied ka long mar T.6000/- tyngka marwei bad ia ka pisa ba tam ki iarap bai kali.
Ia ka jingialang la pyniaid da u bah R M Shabong trai ka kot khubor Rupang bad mynta kane ka jingiarap kala kot sha ka sien kaba khatar. Ia ki jingiarap la wan shim da ki trai kiba la shah jied bad la wan shim ruh da kiba ha iing namar ka jingbymlah jong ki trai ban wan, ia kane la sakhilang da ki riew rangbah bad ki dkhot jong ka kynhun.
