New Delhi, Nohprah 31: Ka jingjop kaba lai jong u Narendra Modi ha ka elekshon ha u 2024 ka pynskhemia ka nam jong u bad ka pyni ruh ia ka jingkhlain jong ka Bharatiya Janata Party (BJP) ha ka kam sain pyrthei ha India.
Ka pyni ba mynta u Myntri Rangbah Duh Modi u la long ka dak jong ka jingskhem na ka bynta ka India katba ka BJP ka la paw kum ka kynhun sain pyrthei kaba iadei bad ka jingai jingshakri ba bha da ka Sorkar.
Ha u 2024, ka la wan ka jingsngew ngiahia ki nongialam barim ha ki ri ba iaid da ka synsharpaidbah, ha kaba ki nongialam barim ki la mad ia ka jingrem. Ha ka United States, ki Democrat ki la duh ia ka jinglong President bad ka bor ban pyniaid ia baroh ar tylli ki dorbar thawain ha ka Congress.
Ka UK ka la sakhi ia ka jingshah weng ka kynhun Conservative Party na ka bor. Kumjuh, ha France, South Korea bad Poland ki nongialam barim ki la duh ia ka bor synshar. Ha ka jingiapher ka jinglong jingman ha kylleng ka pyrthei.
U Narendra Modi ha India u la ioh bat biang ia ka bor ha ka samoi kaba lai jong u. Hadien ki jingjop ha u 2014 bad 2019, ki briew jong ka India ki la jied biang ia u Modi kaba long ka dak jong ka jingpher na ki jinglong jingman ha kylleng ka pyrthei ha kaba ki la kyntait ia ki nongialam barim.
U snem 2024 u long u snem jong ki jingjop ba heh jong ka BJP hapoh ka jingialam u Myntri Rangbah Duh Narendra Modi.U Myntri Rangbah Duh Modi u la wanphai biang ha ka bor ha ka samoi kaba lai. Kane ka jingjop ka long kaba kyrpang ha ka kam sain pyrthei ha India namar ym pat ju don manomano ba wanphai biang ha ka bor ha ka samoi kaba lai naduh u snem 1962.
Naduh u snem 2014, ka India ka la long ka dak jong ka jingskhem ka kam sain pyrthei hapoh ka jingialam u Narendra Modiuba la don ha ka bor la palat shiphew snem.
Kane ka jingbteng ka long kaba kyrpang, khamtam haba ianujor bad ki jingkulmar ha ka kam sain pyrthei kumba la sakhi da kiwei kiwei ki ri kiba iaid da ka synsharpaidbah ha kane ka juh ka por.
Ka samoi jong u Modi ka dei kaba paw namar ka jingtylli ka Sorkar kaba la pyntreikam ia ki sienjam kiba heh kiba iadei bad ka ioh ka kot, ka imlang sahlang bad ka jingiadei bad kiwei kiwei ki ri, kiba la kyntiew ia ka bor jong ka India ha ka pyrthei.
Ha kaba iapherna kane, ka United States ka la sakhi ia ki jingkylla ha ka kam sain pyrthei. Naduh ka por jong ka jinglong President u Barack Obama haduh u 2017, ka bor ka la leit pat sha u Donald Trump uba la wanrah ia ki polisi kiba pher bha bad ka rukom treikam marwei kane ka ri.
Ha u 2021, u Joe Biden u la pynkylla ia ki polisi jong u Trump da kaba ban jur halor ka jingiadei bad kiwei kiwei ki ri bad ka jingbei tyngka hapoh ka ri. Ka jingwanphai jong u Donald Trump sha ka bor ka la wanrah biang ia ka jingkylla ha ka rukom treikam ka Sorkar kaba long ka dak jong ka jingiapher kaba khraw ha ki rukom treikam bad ki polisi.
Ka United Kingdom ka la mad ia ka jingkulmar ha ka kam sain pyrthei naduh u 2014. Hapoh ka kynhun Conservative Party, ka jinglong nongialam ka la kyllana ka por sha ka por ha kaba u David Cameron u la hiarshuki noh hadien ka Brexit referendum, bad la wan da ka Theresa May kaba la iakhun ha ka jingpynbeit ia ka Brexit.
Hadien kane, la wan sa u Boris Johnson ha ka bor ha ka por jong ka khlam COVID-19 bad uba la hiarshuki noh hadien ki jingkulmar. Hadien ka samoi kaba lyngkot bha jong ka Liz Truss la wan u Rishi Sunakuba la pyrshangban pynbeit ia ka ioh ka kot bad ka kynhun sain pyrthei.
Dang shen, u KeirStarmer jong ka kynhun Labour Party u la long u Myntri Rangbah Duh kaba long ka dak jong ka jingkylla ha ka jingsynsharwatla ki jingeh ki dang sah lyngba ki jingbymiahap jingmut hapoh ka kynhun bad ki briew kiba la thait ia ka jingkulmar ha ka kam sain pyrthei.
Ka Australia ruh ka la sakhiia ka jingkylla ki nongialam, kaba long ka dak jong ka jingkulmar ha ka kam sain pyrthei kaba juiohi na ka por sha ka por ha kane ka ri. Ha ka jingsdangna u Tony Abbott ha u 2014, ka jinglong Myntri Rangbah Duh ka la leit sha u Malcolm Turnbull, u Scott Morrison hadien jong u bad mynta u Anthony Albanese.
Man kine ki jingkylla ki la wanrah ia ka jingkylla ha ki kam ba kongsan ha kaba u Albernese u peit bniah ia ki sienjam pyrshah ka jingkylla ka suinbneng bad ki kam ba kongsan ha ka imlang sahlang hadein ka jingphaikhmat kaba pher da kito ki nongialam kiba la wan shuwa ia u.
Ka kam sain pyrthei ha Italy ruh ka dei kaba la mad ia ki jingkulmar ha kaba ki Sorkar ki la khyllemshuwa ba kin pyndep ia ka samoi jong ki. Hadien ka samoi jong ki jinpynkylla ha ka por jong u Matteo Renzi la wan ka Sorkar jong u Paolo Gentiloni kaba la bud da ka Sorkar iatreilang jong u Giuseppe Conte.
Ka jingialam jong u Mario Draghi bad mynta ka GiorgiaMeloni, ka longkmie ba nyngkong ban bat ia ka kyrdan Myntri Rangbah Duh jong ka Italy. Wathadien ka jingjop jong ka Meloni, ka Italy ka dang mad ia ka jingiapait ha ki kam sain pyrthei bad ki jingeh ha ka ioh ka kot.
Ka Pakistan, khamtam ka dei ka nuksa jong ka jingkulmar ha ka kam sain pyrthei, ha kaba ki la don ki jingkylla jong ki nongialam ha ryngkat ki jingkynnoh bam sap bad ki jinglehthok ha ki elekshon. Naduh u 2014, ka ri ka la sakhi ia ka jingkylla na u Nawaz Sharik sha u ShahidKhaqanAbbasi, ba la bud da u Imran Khan bad mynta u Naqaz Sharif.
Ka samoi jong baroh kine ki nongialam ki la sakhi ia ka jingiathut bad ki nongialam ba wan shuwa ia ki, bad bun sien ki don ki jingialeh lyngba ka ain bad kin jingshah set patok.
Kane ka kam sain pyrthei kaba dap da ki jingkulmar ka la khniotia ka bor jong ka Pakistan ba kan ai ia ka jingsynshar ka Sorkar kaba ryntih bad ka jingkiew shaphrang ha ka ioh ka kot.
Ka Israel ruh ka la mad ia ki jingkulmar ha ka kam sain pyrthei, khamtam namar ka rukom iatrei lang. Naduh u 2014, ka ri ka la sakhi ia u Benjamin Netanyahu uba la duh ia ka bor sha u NaftaliBennet, bad hadien la wan ka samoi kaba lyngkot jong u YairLapidshuwa ban wanphai u Netanyahu kum u Myntri Rangbah Duh.
Naduh u 2014, ka Israel ka la pynlong hynriew tylli ki elekshon jong ka ri na ka bynta ka Knesset, ka parliament jong ka ri. Kine ki elekshon ki la long ha u 2015, Iaiong 2019, Nailur 2019, 2020, 2021 bad 2022.
Katba ka Japan ka pawnam namar ka jingiaid ryntih ka kam sain pyrthei, ki jingkylla ha ki nongialam ha kine ki snem ba la dep ki la wanrah ia ka jinglyngngoh. U Shinzo Abe uba la long u Myntri Rangbah Duh haduh u 2020 u la hiar noh na ka shuki namar ka jingpang.
La bud ia u da u YoshihideSuga, uba la hiarshuki noh tang shi snem hadien ba u la wan ha ka bor, bad u Fumio Kishidauba la long Myntri Rangbah Duh tang 3 snem hapdeng ki jingartatien bad mynta la wan bujli ia u da u Shigeru Ishiba Naduh u 2014, ka Brazil ka la sakhiia ki jingkulmar ha ka kam sain pyrthei namar ki jingeh ha ka ioh ka kot, ki kam bam sap bad ki kam elekshon kiba shitrhem bha.
Ka DilmaRousseff ka la shah weng na ka bor ha u 2016, kaba la plie lad ia u Michel Temer. U JairBolsonaro u la wan ha ka bor hadien kane bad dang shen u LuizInácio Lula da Silva u la wanphai biang sha ka borhadien ka elekshon kaba shitrhem bha.
Ha South Korea, ka Park Geun-hye ka la shah weng noh na ka bor ha u 2017 hadien ki jingkynnoh bam sap kiba heh bha. U Moon Jae-in uba la wan hadien jong ka u la hap ban ialeh pyrshah ia ki jingeh ha ka ioh ka kot bad ki jingeh ha kaba iadei bad kiwei kiwei ki ri.
U Yoon Suk-yeoluba dei u President mynta u la pynbna ia ka martial law hynrei kane kam shym la seisoh bad mynta u dang shah weng na ka kam da ka parliament jong ka South Korea.
Ka Argentina naduh u 2014 ka la sakhiia ki jingkylla ha kaba ka jingialam ka la kylla na ka Cristina Fernández de Kirchner sha u Mauricio Macri, ba la bud da u Alberto Fernández bad mynta u Javier Milei.
Man kine ki nongialam ki la wanrah ia ki polisi bapher bapher kiba iadei bad ka ioh ka kot bad ka imlang sahlang bad kane ka la wanrah ia ka jingartatien ha ka jinglong jingman bad ki jingkylla na ka por sha ka por ha ki kynhun sain pyrthei.
