New Delhi, Iaiong 06: Naduh ba la sdang ka thma ha West Asia, ka Sorkar ka la pyrshang tyngeh ban pynbiang ia ka jingdonkam bording jong ki briew jong ngi. Katba ka la kyntu ban don ka jingantad bad ka jingpyn jai jai bad ka la kyntu ïa ka jingïakren ban pynkut noh kloi ïa kane ka jingïakynad, ka la bteng ban iakren na ka bynta ka jingïaid lynti khlem jingeh, kaba plie bad kaba shngaiñ lyngba ka Strait of Hormuz khnang ba ki jingdonkam bording jong ka India, kumba long ka imlang sahlang ha ka pyrthei, kin lah ban pynthikna.
Ha ki kynhun bapher bapher jong ki ri, kynthup ia ka UN bad ka International Maritime Organization India ka la kyrshan ia ki sienjam kiba kyntu ia ka jingshngain jong ki lieng kiba kit mar khaii bad ki briew kiba leit jingleit lyngba ka duriaw, bad ban pynthikna ia ka jingshngain ha kam duriaw katkum ka ain jong ka pyrthei. Ka jingthmu kaba kham heh ka long ruh ba ngin pynthikna ia ka jingshngain jong kumba 10 million [1 klur] ki nong India kiba shong basah ha Gulf.
Ki sienjam jong ki bor synshar, Ngi la shim ia ki sienjam ba tyngeh ha ka liang ki jingïadei ban buh ïa ka jingmut jong ngi shaphang ka jingïakynad kaba dang ïaid shakhmat bad ban wad ïa ka lynti kaba shngain na ka bynta ki lieng jong ngi kiba kit umphniang lyngba ka Strait of Hormuz.
U Myntri Rangbahduh jong ngi u la ialam nakhmat. U Myntri Rangbah duh u la iakren arsien arwat bad ki nongïalam jong ka West Asia bad Gulf – Iran, UAE, Saudi Arabia, Qatar, Kuwait, Bahrain, Oman bad Jordan. Nalorkata, u la ïakren ruh bad ki nongïalam ka Israel, US, France, Malaysia bad The Netherlands.
Ia ki jingtip ba bniah jong kine ki jingiakren lah ban iohi ha ka kot ba la pyndait lang. Kumjuh ruh u Myntri kam bar ri jong ngi u la ïakren bad kiba don ha ka bor ha West Asia.
Namar ka jingïatreilang jong ngi man ka por bad ka Iran bad kiwei kiwei ki ri, ngi la lah ban pynthikna ia ka jingïaid lynti kaba shngain jong 8 tylli ki lieng jong ka India kiba la kit ia ka LPG lyngba ka Strait of Hormuz. Ka lieng kaba 9 [ Jag Laddki] kaba kit ia ka umphniang ka bym pat pynkhuid na ka kad lieng Fujairah ha UAE ruh ka la poi sha India.
Ka kad lieng ha UAE ka la shah thombor da ki drone ha ka por ba ka Jag Laadki ka dang don hangtei. Ka jingpyniaid ia ka jingleit jingwan jong ki lieng ka la long ka kam kaba eh haduh katta katta namar ba ki dang iaid ha ka jaka ba don ka jingiakynad kaba jur. Ha ka jingsdang jong ka jingiakynad, ka India ka la don 24 tylli ki lieng kiba don ia ka lama India kiba la sahkut ha Persian Gulf bad kiba donkam ban iaid lyngba ka Strait of Hormuz.
Mynta ngi don 16 tylli ki lieng kiba dang sah ha Persia Gulf. Ngi dang iai bteng ban iakren bad ka Iran bad kiwei kiwei ki kynhun kiba kongsan na ka bynta ban pynthikna ba ki lieng jong ngi kin iaid lyngba ia ka Strait of Hormuz da ka jingshngain. Ngi dang iai bteng ban pynbiang ia ki jingdonkam bording jong ki briew jong ngi.
Ka jingshngain jong ki lieng ha ka jingwanphai sha India, Ha ryngkat ka jingpyniaid ia ki lieng jong ngi lyngba ka Strait of Hormuz, ngi la pynthikna ruh ba ia ki lieng la pynbiang ia ka jingshngain ha ka jingwanphai jong ki sha ki jaka ha India. Ki jhad jong ka Indian Navy kiba don ha Gulf of Oman / Arabian Sea naduh u snem 2019 kum shibynta jong ka Operation Sankalp ki la synran ïa ki jhad jong ngi ha ka jingïaid lynti jong ki.
