New Delhi, Nohprah 29: Shiphew snem hadien ba u Myntri Rangbah duh Modi u la shimti ïa ka kam ha u snem 2014, ka kam rep ha u snem 2025 ka la kylla dur, na ka rukom treikam kaba shisien ka la paw da ka jingduna ka jingseisoh, ka jingbym thikna jong kador bad ka jingshaniah ha ki mar kiba wanrah nabar sha ka jingmih kaba thaw rekod, ka ïoh ka kot nong jong ki nongrep kaba la pynthikna, ka jingsaindur thymmai katkum ka jingstad saian bad ka jinglah kyrshan dalade kaba jrong samoi.
Kaba pynlong ia u snem 2025 kaba kongsan kam dei tang kawei ka skhim ne ka jingkhein jingdiah, hynrei ka jingpyniasoh lang ia ki khatwei snem jong ka jingpynkylla sha ka jingtei ia ka rep ka riang kaba iadei bad kaba la pynkhreh na ka bynta ka lawei.
Na ka jingphiah sha ka jingpeit bniah La sdang ha u snem 2025, ka Pradhan Mantri Dhan-Dhaanya Krishi Yojana (PMDDKY) ka la pyni ia ka jingkylla sha ka jingpynkylla ia ka rep ka riang kaba la buh thong, kaba pynshong nongrim ha ka jingmih.
La pynbna ha ka mang tyngka 2025-26 jong ka sorkar pdeng bad la mynjur da ka Kynhun Myntri Sorkar Pdeng ha u bnai Naitung, kane ka skhim ka phaikhmat sha ki 100 tylli ki district kiba duna ka jingtreikam bad ka thmu ban ai jingmyntoi ïa 1.7 klur ngut ki nongrep, da ka jingpynlut kaba T. 24,000 klur shisnem ban pynbeit ïa ka jingduna ka jingseisoh, ka jingeh ha ka liang ka um bad ki jingduna ha kaba iadei bad ka ram.
Da kaba pyniasoh lang ia 36 tylli ki skhim ba iadei bad ka rep ka riang ha kylleng ki 11 tylli ki tnad, ka PMDDKY ka bujli ia ka jingpyntreikam kaba la phiah da ka jingiatreilang ha ki distrik. Da ka jingpynshlur jong ka ADP, ka buh hakhmat eh ia ka jingai um, ka jingbuh ia ki mar rep, ka teknoloji, ka jingai jinghikai bad ka jingai ram na ki jaka treikam, kaba pyni ia ka sienjam sha ka jingkylla ha ka rep ka riang ha ka rukom treikam mission mode bad ka Atmanirbhar Bharat.
Ka Jingkiew sha ka jinglah kyrshan dalade Ha u snem 2025, ka India ka la sdang ïa ka Mishon na ka bynta ka Aatmanirbharta ha ki dai ban pynduna ïa ka jingshaniah ha ki mar kiba wan nabar, da ka jingpynlut kaba T.11,440 klur. Ka thong ka thmu ban pynmih 350 lak ton ki dai bad 310 lak hektar ka jingrep shuwa u snem 2030–31.
Ha ka sien kaba nyngkong, ki nongrep kiba rep ia u tur, urad bad masoor ki ioh ia ka jingpynthikna 100% ka jingthied ha ka MSP na ka bynta saw snem, ba la kyrshan da ka jingsam ia ki symbai ba bha bad ba bun.
Da kaba ai jingmyntoi haduh 2 klur ki nongrep, ka mishon ka pynskhem ia ki jinglong jingman, ka pynskhem ia ka ioh ka kot bad ka kyntiew ia ka jingshngain ha ka jingioh ia ka bam kaba tei, kaba pyni ia ka sienjam kaba kut jingmut sha ka jinglah kyrshan dalade ha ki dai.
Ka jingpynkhlain ia ka jingiadei hapdeng ka kam rep bad ki karkhana. Ka Cotton Mission kaba san snem, kaba la pynbna ha ka Mang Tyngka 2025-26 jong ka sorkar pdeng, ka pynleit jingmut ha kaba kyntiew ïa ka jingseisoh, khamtam ha u cotton ba jrong, lyngba ka jingkyrshan ka science bad ka teknoloji na ka bynta ki nongrep.
Da kaba pynthikna ia ka jingpynbiang kaba thikna ia u cotton uba bha, ka mishon ka pynkhlain ia ka kam shna jain jong ka India, ha kaba 80% na ka bor treikam ka dei kaba la wan na ki MSME, bad ka pynskhem ia ka jingthmu jong ka 5F ban pyniasoh ia ki jaka rep sha ki iew jong ka pyrthei, kaba pynlong ia ka rep ka riang kum ka nongpyniaid ba kongsan jong ka jinglah iakhun ha ki karkhana.
Ka Jingpynmih kaba thaw Rekod: Ka Jingmih na ka Shiphew snem jong ka Jingpynkylla Ka jingktah jong kine ki jingjied polisi ka la paw shai ha u snem 2025. Ka India ka la ioh ia ka jingpynmih mar bam kaba heh tam ha ka histori kaba long 357.73 million ton ha u snem 2024–25, kumba la pyllait da ka Tnad ka rep ka riang ha u Naiwieng 2025.
Kane ka pyni ia ka jingkiew kaba palat 106 million ton haba ianujor bad u snem 2015–16, ha kaba ka jingpynmih ka long haduh 251.54 million ton, ka jingkiew kaba heh tam ha kine ki shiphew snem ba la dep.
Ki mat ba kongsan ba la pynbna ha u snem 2025 ki kynthup ïa,Ka jingpynmih khaw ha ka rekod kaba 1,501.84 lak ton. Ka jingmih jong u kew kaba 1,179.45 lak ton, da ka jingkiew kaba heh tam na u snem sha u snem ha ki por ba dang shen. Ka jingpynmih ia ki dai kaba la poi sha ka 256.83 lak ton. Ki oilseed kiba kot sha ka rekod kaba 429.89 lak ton.
Ha ka lai bnai ba nyngkong jong u snem 2025, ka kam rep jong ka India ka la bkiew da 3.7%, kaba la buh ïa ka hapdeng ki ri kiba kiew stet tam ha ka ioh ka kot na ka rep ka riang ha ka pyrthei 7 , ka jingmih kaba pynpaw ïa ka jinglong shngaiñ ba la ïoh hapoh ka jingïalam jong u Myntri Rangbahduh Modi.
Na ka jingkular Policy sha ka jingiada ia ka ioh ka kot Ka nongrim kaba kongsan jong kane ka jingkylla ka la long ka jingpynkhlain ia ka Minimum Support Price (MSP). Hashuwa u snem 2014, ka MSP bunsien ka sah kum ka dak namar ka jingduna ka jingthied. Hapoh ka jingialam jong u Myntri Rangbahduh u Modi, la pynskhem ia ka MSP kum ka lad jingiada ia ka ioh ka kot kaba seisoh.
Ha u snem 2025, ka sorkar ka la mynjur ia ki MSP ba la pynbha na ka bynta 14 tylli ki jingthung Kharif bad baroh ki jingthung Rabi ba la bthah, da kaba bud pyrkhing ia ka nongrim ban buh ia ka MSP ha ka dor kaba 1.5 shah ia ka jinglut ha kaba pynmih.
