Shillong, Nailar 30: U Dr Donkupar Roy president jong ka seng UDP u ba dei ruh ha ka juh ka por u shongknor jong ka iing dorbar thawain ka jylla, mynta ka sngi u la pynshai ba ka jingong ba ai myntri kabitnet ia u Bah Pius Marwein dei tang ka hamsaia.
Kan ka jingong ka dei tang ka jingpynsngew jong u wei ne ar, hynrei kam dei ka jingkren jong ka party, ia kane u la kren ha ki nongthoh khubor mynta ka sngi ha dien bala dep ban pynsmai ia u MLA jong ka Ranikor ha phyllaw jong ka Meghalaya Legislative Assembly.
U Dr Donkupar u la ong “ kum ka party kam shym don kumta kata ka jingong, kaei kaba ioh sngew dei tang ha hamsaia, u la ong ba ka kynhun myntri ha kane ka jylla ka don tang 12 ngut ymlah ban ioh palat ia kata”.Haba ia dei bad ka jingiadei bad ka sorkar MDA, u Dr Donkupar u la ong ba kane ka sorkar kan neh haduh ba kut ka san snem bad palat ia kata ruh bad kin trei kum ka kynhun.
Haba ia dei bad ka elekshon MP u Dr Roy u la ong ba kim pat ia kren ei ei bad ka NPP ban don ia u kyrtong ia monlang,
U Bah Sniawbhalang Dkhar u ba la don lang ha kane ka por, haba jubab ia ki jingkylli jong ki nongthoh khubor, u la ong ba kum ka kynhun MDA ki ia kmen lang ba kila jop ha kane ka elekshon shiteng samoi, hynrei kum u briew ka don ka jingsngew. Hynrei ha ka sain pyrthei kane ka juh jia kam don jingpher ei ei u don u ba rem bad u don u ba jop, kum ka kynhun MDA ki ia kmen lang.
