Shillong, Kyllalyngkot 16: Mynta ka sngi ha ka por kumba san duna ei ei ka ding kala klang kynsan ha ka jaka bala tip kum ka Goenka Compound ha syndah jong ka Goenka Market ka hap hapoh jong ka Shillong Cantonment Board haruh jong ka Anajlee Cinema Hall Shillong bad na ka liang ki pulit pynlip ding kila poi bran bran sha katei ka jaka ban tem ia ka jingklang Ka ding.
Haba u SP news Agency u la ioh ban ia kren bad ki briew kiba la don slem ha katei ka thain kila iathuh ba ka ding kala sdang ban klang ha ka por san duna ei ei bad kiba bun na kine ki iing ki dei kiba sah bad ka jingdon ki briew ha katei ka jaka la palat ia ka 30 snem ei ei mynta bad ia katei ka jaka la tip kum ka Goenka Compound.
Kat haduh ba thoh ia kane ka khubor ym pat lah ban tip ia kadaw jong ka jingpluh ding, ki pulit pynlip ki dang ialeh ban tem ia ka ding ha kaba da ki bun tylli ki kali pynlip ding kila wan ha ka juh ka por bad ym pat lah ban tip ia ka jingduh ha kaba ia dei bad kane ka jingjia, ka jingklang jong ka ding kalong kaba la sherkhei.
