Shillong, NNaiwieng 09: Ka seng ki nong die jhur hapoh ka shatri jong ka “Meghalaya Traders Fresh Vegetable & Ginger Association” mynta ka sngi kila dawa na ki pulit ban leh da kaba tyngeh ia kiba dawa pisa na ki nongkhaii jhur.
Haba kren ha ki lat pathai khubor ha Shillong Press Club u president ka seng MTFVGA u bah Henry Dkhar ha ryngkat ka jingia don lang ki dkhot jong ka seng ha kaba u la pynpaw ia ka jingsngewkhia halor ka jingshah dawa pisa haka hynriew tarik mynta u bnai.
U wei na ki nongkhaii jhur na Assam kila rah bor ia u wei na ki nongkhaii jhur sha ISBT ha surok Mawlai Bye Passed ba kum ka seng ka ai khublei ia ki pulit kiba la ioh ban kem ia kitei ki nongdawa pisa.
Ha ba batai halor katei ka jingjia u general secretary ka seng u bah Ferdinan Mawrie u long ba kine ki briew ki la phone ia une u nongkhaii jhurbana Assam ba kin wan ban iaraplem ia ki ban pyniaidiewia ki mar jong ki bad ban phah kali na ka bynta ban thep ia kine ki mar ha kaba ki la ong ba kimar jong ki ki don hangne ha poh jingkieng umiam.
Yn da ki kali jongkine ki nongkhaii kala wan kila phah ban phone ia kine ki draibar jong kiba ki dei ban ong ban phahia ka pisa ha ka Gpay jong ki ba kila dep ban thep ia kita ki mar jong ki, la iathuh ba kum kine ki jingjia ki juh jia man ka por ia ki nongkhaii na Assam.
Na ka liang ka seng ka la pynpawruh ka jingsngewnguhia ki bor pulit kiba la treishitom ha duh ba kin da ioh ban kem ia kine ki briew bad ki la buh ka jingkyntu ia ka tnad pulit bad kumjuh ruh ia ka sorkar ba ki dei ban leh da kaba tyngeh bad ban wat bniah khnang ban dup lah ban kem lut ia baroh ki briew kiba don kti ha kum kine ki kam ban dawa pisa.
