New Delhi, Naiwieng 28: U nongshna phlim bad u actor ba pawnam, u RishabShetty u la iashim bynta ha ka jingiakren bad ki lad pathai khubor ha ka 54th International Film festival of India (IFFI) ha Goa mynta ka sngi.
Ha ka jingpyni ia ki kam ba iadei bad ki phlim Kannada, ka phlim jong u ka Kantara, kaba ma u hi udei u director, actor bad nongthoh, kalong kawei na ki lai tylli ki phlim jong ka ri ban poi sha ka thup ba mynta u snem jong ki 15 tylli ki phlim kiba tbit kiba iakhun na ka bynta ka khusnam Golden Peacock award ha ka IFFI kaba 54.
KaKantara kadei ka phlim kaba jrong 150 min kaba la khringbha ia ki briew bad ki critic naduh ba la pyllait ia ka ha u snem ba ladep. Kadei ka phlim kaba ai burom ia ka deiriti bad ki khanahyndai, ka Kantarakadei ka phlim kaba pyni ia ka jingeh bad ka jingiatyngkhuh hapdeng u briew bad ka mariang, lyngba ka jingshad bad ka jingpyni ia ki jingsngew.
“Ki briew ki don ka jingsngewjan bad ka Kantara namar kadei ka khana kaba pyni ia ka deiriti jong ka Bharat,” la ong u Shetty. “Dei ki briew kiba rah ia kane ka phlim sha ka kyrdan kaba ka don mynta, bad ki la pdiang ia ka kum ka lajong,” u la bynrap shuh shuh.
Ka Kantara ka pyni ia ka jingshad tynrai Kola bad ki jaitbynriew kiba iashim bynta ha kane ka jingshad. U Rishab u la ong ba u iakren man ka por bad kine ki briew hadien ba la pyllait ia kane ka phlim jong u.
“Nga dei na kane ka dustur tynrai, ngangeit ha kane ka rukom tynrai bad ngaainguh ia une u Blei. Ngi shimkhia ba ngim dei ban pynmongia ka jingsngew jongnojongno bad pynthikna ba kam dei ban don kanokano ka jingktah ia ka deiriti lane ka jaitbynriew,” u la ong.
Ha ka jingai burom ia ka jingjop jong ka phlimKantara sha ka jingngeit, u Shetty u la ong ba ki briew kidei ban don ka jingngeit halade bad ka kam ba ki trei, dei tang kata ba ki briew ki lah ban leh ia ka kam kaba bha. Une u actor u la bynrap ruh ba ki briew kidei ban trei na ka bynta ka kam bad ym ban beh tang ia ka jingjop.
Haba kren shaphang ki kam shna phlim Kannada, u RishabShetty u la kren shaphang ka jingeh ba iadei bad ka OTT ha kaba kine ki rynsan ki dang long artatien shaphang ki phlim Kannada, bad kane ka wanrah jingduhnong kaba khraw ha ka kam shna phlim.
U la kyrpad ia ka jingpdiang kaba kham iar. “Ki kam shna phlim ki la ai shibun ia ngi, ngi dei ban ai kylla sha ki kam shna phlim Kannada,” la pynpaw u Shetty. U don ka jingngeit skhem ba ki phlim ha India mynta ki dei kiba la saphriang sha kylleng ka pyrthei.
“Mynta ka don ka jingkylla bad ki jingiathuhkhana kiba sngewtynnad ki dei kiba ki briew na kylleng ki pdiang watla ki don ka jingeh ha ka jingsngewthuh ia ka ktien,” la ong u Shetty.
Haba kren shaphang ka jingiadei jong u bad ka IFFI, u RishabShetty u la ong ba kane kadei ka sien kaba ar ia u ban iadon bynta ha kane ka film festival. U la iasam da kaba ong ba ki film festival ki long ka jaka ban peit ia ki phlim bad ban ioh jinghikai.
Ki tamasa kum ka IFFI ki long kum ka longiing lajong. U burom ia ki film festival bad u la kyrpad ba dei ban pyndonkam ia kine ki rynsan ban ai jingithuh ia ki phlim kiba rit ba ria.
Dang shen u Shetty u la pynbna ia ka phlim kaba batai ia ka nongrim jong ka Kantara, ka poster kaba la pyllait hynnin ka sngi, bad u la batai ba ka jing thmu kalong ka khana kaba don ar bynta.
Halor ka jingkylliia ka jingsngewtynnad jong u nalor ka jingshna phlim, jingthoh bad kum u actor, u Shetty u la ong, “Ka kam shna phlimkadei kaba ieitnyngkong jong nga.” Nga shnaniah ha ki jingshem ha ka jingim, nga iasoh bad ki briew bad pyrshang ban wanrah ia kata ha ki phlim jong nga,” u la bynrap.
