Shillong, Nailur 13: U myntri rangbah ka jylla u Cornad K Sangma u la ong ba ka jingialang jong ka kabinet kaba la long mynta ka ka sngi kala shim ia ka rai ban wan rah da ka Bill kaba thymmai ban haba ia dei bad ka jingsiew ia ka bai sumar pang ki nongtrei sorkar.
U Myntri Rangbah ka jylla u la ong ba kala don ka Meghalaya Medical Reimbursement Rule 1981, ka jingialang ka kabinet mynta ka sngi kala shim ia ka rai ban wengnoh ia kane ka MMR Rule bad kan wanrah noh da kaba thymmai, ka daw ka long ban pynthymmai ia ka katkum kane ka juk mynta.
Kiwei ki rai kiba ka kabinet kala shim, ban wanrah ia ka jingpynkylla ia ki kato katne ki kyntien hapoh jong ka Meghalaya Human Right Commission Rules 2014 bad kan don ka jingbuh thymmai ia ki kyntie.
Ka sorkar kan wanrah ruh ia ka jingpynkylla ia ka Meghalaya Contingency Fund ia kaba ka sorkar kala pyntrei kam ia ka lyngba ka jingpynbna sorkar, namar ka iing dorbar kala shong dorbar hap ban pynbeit ia ka ha ka dur jong ka Bill.
U Myntri rangbah u la iathuh ba la rai ban wanrah ia ka jingpynkylla ha ka jingiasoi soskular ha pdeng ka Sorkar Pdeng ka sorkar Meghalaya bad ka Bharat Broad Band Limited ban pynbuh shuh ia ki tower ban ring mobile, ka daw jong ka pynkylla ka long ba kaei kaba la ia soi ha u snem 2013 kam shym la treikam, ka jingtrei ka long tang 15% ei ei.
Katkum ka rai jong ka iing bishar ba ha khliehduh jong ka Ri India ki jylla ki hap ban don ia President hapoh jong ka Meghalaya State Food Commission bad na ka bynta ki District Preident la aiti haka tnad sam bam ban thung ia ki president ha ki District.
