Shillong, Nailur 10: Ka jingslem ban wan ki nongpeit meter ban ai bill light mynta u bnai kala buh ia ki trai iing khamtam ha kane ka nongbah Shillong ban kylli balei ka MeECL kam shym la phah ia ki nongpule meter.
Haba u SP News Agency u la ioh ban ia kren bad ka Assistant Chief Engineer ba dei peit ia ka shant pyniaid iew ka long I. Lyngdoh ka la ong ba ka daw jong ka jingslem ka dei ba ki dang rah ia ki number jong ki meter sha kaba thymmai.
La iathuh ba na ka liang jong ka MeECL kala ai jinghikai ia kiba trei ia kam meter reader bad kane ka jinghikai ka dang iaid bad la ong ba la khmih lynti ba kin sa lah ban pyndep ia ka jingrah thymmai ha kine ki khyndiat sngi.
Kiwei pat ki jingtip kiba la ioh na ka MeECL la ong ba kane ka “Software” kaba ki pyndon kam mynta haba ia dei bad ka jigsiew ia ka bai light la pyntreikam ha u snem 2020 bad kumta la don kam ban kylliang thymmai ha kaba ia dei bad ka jingsiew bai light.
