Shillong, Kyllalyngkot 04: U myntri rangbah ka jylla u Conrad K Sangma u la pynshai ba ka jingslem ban pyndep ia ka surok na Rongjeng-Mangsang-Adokgre ka dei ba ka sorkar mynshuwa ka apply ar tylli ki skhim na ka DONER ia kajuh ka surok.
Ha ka jingshisha kane ka surok kaba T.200 klur tam ka dei ban dep ha u snem 2020, hynrei ka DONER kala pynduh noh kawei ka skhim kaba ei na ia kane ka juh ka surok namar la apply ar tylli ki skhim ia ka juh ka surok.
Ka DONER ka shem ba ia ka juh ka surok la apply ha ki ar tylli ki khim la ka jong ka jong ka kyrteng bad kawei na kita ka sorkar pdeng kala pynduh, kane ka dei ka jingpynshai kaba la ai ha ka jingiakynduh ia ki paidbah na ka CM Connect kaba la long ha shnong Memilam village, North Garo Hills.
La pynshai ba ha kine ki khyndait snem ka sorkar jylla kala ia kren bad ka DPNER bad ka myntri pla pisa ka sorkar pdeng ban ioh ban pyndep ia kane ka surok kaba don kam na ka bynta ki briew ka tei ka thian.
Ha kane ka jingialang la pynshai paidbah ba ka sorkar kala ioh ia ka jingmynjur ba ia kane ka surok kaba la pynduh na ka DONER yn shna noh lyngba ka jingbei pisa ka World Bank, kane ka surok ka long 44 km bad ka shakri ia ki 50000 ngut ki paidbah nongshong shnong bad ka ai jingshakri ia ki ar tylli ki konstitwensi ka Kharkutta bad Rongjeng.
Ka soruk 22 km kaba dei na Rongjeng sha khmat Nengkram la lah ban pyndep, ia kane ka surok lamang pisa ha u snem 2017 T.210 klur tyngka kaba la bei pisa lyngba ka NLCPR na ka NEC hynrei ka DONER kala pynduh noh T.88 klur tyngka bad kaba sah ka long sa tang T.123 klur tyngka da kane ka jingpynduh ia kane ka suork ym shym ioh ban pyndep.
