Shillong, Iaiong 13: U Myntri Rangbah ka jylla u Conrad K Sangma u la plie ia ka iing pynsah nam “Nabon Memorial Home” ha Mawiongrim kaba la peit da ka Jingiaseng Kynthei Shillong Ri Lum Presbytery Shillong.
Ha ka jingkren u myntri rangbah ka jylla u la ong ba ia kane ka iing ban sah ki riewtynmen la ainam sha ka khristan kaba nyngkong na pdeng ki kynthei khasi, kane ka kdew shai ba katno ka jingthmu jong ka u la ong.
Ha kane ka sngi u myntri rangbah u la ong ba ka sorkar ruh ka jingdon jingthmu ban shna ia ki iing ban long ki jaka sah jong ki riew tynmen, u sngewkmen ba ki don kum kine ki jaka ai jaka sah kum kane ka Nabon kaba ki lah ban ia treilang ban myntoi ki riew tynmen.
U myntri rangbah la ong ba ki Anganwadi ki don ia ka bynta ba kongsan ban leh bad kane ka don ha ka mat trei kam kaba 1000 sngi jong ka sorkar bad kane kan long ka jaka pdeng na ka bynta ki samla bad ki riew tynmen, kane ka iarap ba ki khynnah kin tip na ki riew tynmen bad kin don ka jingburom ia kiba la heh la san.
U myntri rangbah ka jylla u la ong b akum ki reiwlum ki don ka jingsumar kaba kyrpang ia ki tynmen ki kro, hynrei na ka daw jong ka jingkylla por badkane ka juk jong ka jingshai kala wanrah ia ka jingkylla ban nym niewkor shuh ia ki tynmen.
La ong ba don kam ban ia treilang kum ka sorkar, ki balang bad ki paidbah, la pynkynmaw ba ka jylla Meghalaya ka dei ka jylla kaba burom ia ki riew tynmen u la ai ka jingkhublei ia ka jingiaseng kynthei kaba la sdang ia kane ka kam.
Kane ka Nabon Memorial Home ka don ia ka mat trei kam ba kan iarap tang ia ki reiw tynmen kbia dei ki kynthei, kiba iap lok, kiba shah iehbein ne kiba im ha ka jingjynjar shrah, ka jingthmu kane ka long ban ai ka jaka sah kaba shngian na ka bynta ki riew kynthei ki tynmen ki kro ban im da ka don burom. U myntri rangbah u la pynbna ai iarap T.25 lak na ka CMSDF ia ka Nabon Memorial Home.
