New Delhi, Iaiong 19: Ka Ri India ka ieng ban ialeh pyrshah ia kane ka jingduna snam jong ki khynnah, kiba samla bad ki rangbah ia kane la pynbna lyngba ka tnad ka koit ka khiah jong ka sorkar pdeng.
Katkum ka jingkhein kaba ka tnad ka koit ka khiah jong ka sorkar pdeng kala ai ka long ba 67.1% ki khynnah ha ka ri ki dong ha ka jingduna snam, kiba la samla ki don 59.1%, bad 3 na ki 4 ngut ki kynthei ha India ki duna ka jingbam ba don ia u nar.
Ka tnad ka koit ka khiah jong ka sorkar pdeng kala kdew ba la ai ia ki dawai pynbiang sam ‘Folic Acid supplements’ sha ki 15.4 klur ngut ki kynnah bad kiba la heh la san ka sorkar kala shim ia baroh ki lat ki lynti kumno ban ioh ia ka jingkhein kaba biang.
Kane ka jingduna snam ka pyni ia ki dak ki shin kum ka jingthait, ka jingbym lah ban trei bor met, kane ka kdew ba ka jingbym biang ki jingbam kiba teimet, kane ka jingduna snam ka por haba trei ba ktah ka tlot ka met ka phad.
Katkum ka jingjurip ka tnad ka koit ka khiah ha u snem 2019-2021 ha India kiba duna snam ka long ba kham bun ki kynthei ban ia ki shynrang, ki shynrang ha ka rta 15 haduh 49 snem kiba duna snam ki long 25%, katba ki kynthei ha kane ka juh ka rta ki long 57%.
Kiba dang khisamla ha ka rta 15 haduh 19 snem, ki khynnah shynrang ki long 31.1% katba ki kynthei ki long 59.1%, ki long kmie kiba armet hapdeng 15 haduh 49 snem ka jingdon kiba duna snem ki long 52.2% katba ki khyllung kiba dang 6 bnai haduh 59 bnai ki long 67.1%.
Ka sorkar pdeng kala sdang ia kane ka jingiakhun pyrshah ban pynduh ia kane ka jingduna snam ha Ri India kala sdang ha u snem 2018 ha kaba ka sorkar pdeng lyngba ka tnad ka koit ka khiah kala shim hynriew tylli kin sien kam ban pynduh ia kane ka jingsuna snam ha ka Ri india, kane ka long katkum ka kaiphot jong ka tnad ka koit ka khiah ka sorkar pdeng.
