Shillong, Jylliew 19: U Dr Wwanwei Roy Kharlukhi MP ba dang shah jied sha Rajya Sabha, u la ong ba ka kam kaba ha khmat ban peit ba ka jylla Meghalaya ka dei ban lait na ka CAA.
Ha ka juh ka por u la ong ba kum u MP sha Rajya Sabha yn nym pynlehrian ia ka jylla, u trei ia ka kano kano ka kam kaba yn sa shah bynshet kum u MP jong ka jylla na ka bynta ka Ri bad ka jylla.
Ha kane sngi baroh ki nongialam jong ka kynhun sorkar MDA kila wan ban ai khublei ia u ha Assembly kaba don ha Rilbong ha dien ba la tip ba u la jop ia ka elekshon. U bah Preston Rynsong Deputy Chief Minister u la ai khblei ia baroh ki dkhot jong ka MDA kiba la ai ka jingkyrshan ia u Dr WR Kharlukhi ban jop ia kane ka MP sha Rajya Sabha.
U myntri Rangbah ka jylla u ba dei ruh u National President jong ka party NPP u Conrad K Sangma u la phah ia ka jingai khublei jong u halor kane ka jingjop jong ia ka elekshon MP sha Rajya Dabha na ka party NPP.
