Shillong, Nailar 07: Mynta ka sngi ka party BJP bad ki briew jong ka NEC kila pynlong ia ka jingrakhe ia ka sngi burom jong ki nongthain jain ha Kdonghulu ha Bhoirymbong Ri Bhoi District.
Ha kane ka sngi la batai sha ki paidbah ba poi sha ki jingialang ia ki skhim kiba bapher bapher kaba ka sorkar ka don ban ai sha ki paidbah khamtam ia ki nongthain jain hapoh kane ka Ri India. Ha kane ka sngi la batai ruh ia ki kor kibor kiba katkum kane ka juk kaba mynta.
Ha kane ka sngi ka party BJP kala pynkupburom ia ka kong Beronika Sujai, 90 snem ka rta kaba la im ha kane ka kam thain jain, ka kong Regina Sujai 65 snem, ka kong Prissila Rymbai 62 snem kiba la trei ia kane ka kam la bunbun snem.
Ia kum kane ka juh ka jingpyndonburom ia ki nongthain jain la pynlong ruh ha Tura jong ka West Garo Hills , ka kong Susuki Parait President ka BJP Mahila Morcha kala ai ka jingkitbok ia ki nongthain jain ba kin dang kiew sha phrang ha ka ioh ka kot.
Kiwei ki nongkit kam ka BJP kiba don lang ha kane ka sngi ki long u Bah David Kharsti, ka Kong Iaishah Rymbai, ki briew jong ka NEC ruh kila ia don lang ha kane ka sngi ban ia rakhe lang ia kane ka sngi burom ia ki nongthain jain.
