Tura Nohprah 30: U myntri rangbah ka jylla u 
u la buh ia u mawnongrim jong ka Pinemount School ha Manda-Chambugong A’king jong ka shnong Misimagre kaba don ha jan ka sor Tura.
Ha ka jingkren jong u myntri rangbah ka jylla u la ong ba ka sorkar ka la dep mang pisa na ka bynta ban seng ia kum kine ki skul ha baroh ki District, hynrei dei tang ha Tura ba la ioh ia ka jaka bad la buh ia u mawnongrim.
Na ka liang jong u Myntri rangbah y la ong ba u kwah ban wanrah biang ia ka nam ka burom jong ka jylla Meghalaya ba kan long ka shem jong ka jingnang jingstad na ka bynta ka dong ka thain shatei lam mih ngi jong ka Ri India.
Ha ka jingkren jong u MLA jong kane ka jaka U. Ismail R. Marak u la ong ba u dap da ka jingsngewnguh kaba khraw ia ki paidbah kane ka jaka kaba ki la ai sngewbha ia ka jaka ban buh ia kane ka skul na ka bynta ka jingmyntoi jong ki paidbah.
Ha kiwei ki district na ka liang jong ka sorkar mynta ka dang peit ia ki jaka kiba biang ban seng ia kine ki skul ka sorkar ka kwah ban ka jingnang jingstad ka dei ban kiew ha kane ka jylla.(SP News)
