Shillong, Jymmang 01: Ka Meghalaya Roll Ball Federation Association ha ryngkat ka jingiatrei lang bad ka Rollball Federation kan sa ioh ban pynlong ia ka lympung ialehkai ia ka ba la tip kum ka 4th Senior National Roll Ball Federation Cup 2024.
Ia kane ka jingialehkai kaban sa pynlong ha ka 4 bad 5 tarik mynta u Jymmang 2024 ha St Anthony Secondary School, Shillong. Hakne ka lympung yn wan ban ia shim bynta da ki 11 tylli ki kynhun ki ba kynsai ki ba na kylleng jong ka Ri India ki ba na ka liang ki Kynthei bad shynrang ruh kumjuh.
Ka jingthmu jong kane ka kynhun ban pynlong ia ka Roll ball ka long ban pynpaw pyrthei ia kane ka jait jingialehkai ka ba dangthymai ha kane ka Jylla bad kumjuh ruh ban kyntiew ia ka sap ki samla ki ba don ia ka jingsngew tynnad ha kane ka jingialeh kai.
U bah Suklang u la ong ruh ba ha kane ka jylla ia kane ka jingialeh kai la ioh ban ai jinghikai kum ha Nongstoin bad ha Jaintia Hills . u la ongruh ba ki don ia ka jingthmu ba ki pynsaphriang ia kane ka jingialeh kai ka ba thymmai sah baroh ki District jong ka Jylla khnang ba ki samla ki ba don sap kin ioh ia ka lad ban pynpaw sha ka pyrthei.
Ha ba ioh ban ia kren bad u President jong kane ka synjuk u bah Suklang Dkhar u la ong ba kin don 11 tylli ki kynhun ki ban wan ban ia khun ha kane ka jingialeh kai kita ki kynthup ia ka Uttar Pradesh, Maharashtra, Meghalaya, Rajasthan, Assam, Tamil Nadu, Jharkhand, Chhatisghar, Kerala, Madhya Pradesh bad ka Gujarat.
