Shillong, Jymmang 14: Ka Meghalaya People Labour Uni
on (MLPU) Jaintia Hills District Committe,kala pynrem jur iaka jingleh don bor kane ka sorkar MDA bala ialam da ka NPP,kumba paw haka jingiakhih jong kina ka bynta ka jingwan poi ki truck dewiong na Assam sha poh ka ne ka jylla hapdeng ba kum kane ka por,ba baroh ka pyrthei ka dang iakhun tyng eh ia kane ka jingpang khlam kaba ki khot ka COVID-19.
Ka MPLU ka ong ba ka Ri India hi baroh kawei ka dng pynkhing tyngeh iaka iaid ka ieng ki paitbah wat haki kyndong kynshrot,kala don ka jingpyrkhiang bajur iaka inter District, hynrei kaba i lyngngoh baka sorkar Meghalaya pat kam salia iaka iap ka im u paitbah tang ban pynhun iaka jingioh nong ki karkhana dewbilat ha pdeng kat kane ka jing syier mynsiem ki nong shong shong ka jylla ia kane ka khlam,ka Assam hi baroh ngi tip ka dei ka Red zone.
Kumta halor kine ki jingleh don bor ka sorkar ia u paitbah nong shong ka jylla ka MPLU na Jaintia Hills ka buh ka pynrem iaka jingbym khein snep iaki mynsiem briew kumba paw hi naduh ba sdang ka jingpakhang ki nong shong shnong ka jylla ki bud ryntih iaki jing bthah ka sorkar,ki nong ialam shnong kum ki rangbah shnong ki VDP bad ki seng bhalang ki society bapher bapher ki iarap ki iatrei ryngkat bad ki bor sorkar naka bynta ban iada iaka ne ka khlam.
Hynrei kim shym poi pyrkhat ba ka sorkar jylla pat kan shet kylla kumne ia u paitbah,ha kaba ka sorkar ki kloi ban pynlong lang knia ia u ba bun ba lang, haka ba ia dei bad kane ka jingiakhih kim kynthoh iaka jingwan u dewiong na Assam ki kynthoh iaka jingwan ki truck na bar jylla namar ka buh jingma iaki nong shong shnong.
Ka MPLU ka ong ba kane ka jingioh lad ki truck ban wan pathar shapoh jylla kam dei baka buh jingma tang iaki nong Jaintia kane ka buh jingma ia ka jylla Meghalaya hi baroh kawei,ka MPLU ka buh ki kyrpad ia ki nong shong shnong jong ka jylla hi,ba wat ym sngewthuh bakla bakane ka jingiakhih ka dei tang iaki briew jong ka East Jaintia, ne ki nong khaii dewiong kane kam dei ka issue dewiong ka dei ka jingiakhun ia u covid19.
Lada ka long haka ne ka dur ka bha iaka sorkar ban weng noh ka lockdown na ka ne ka jylla,kam myntoi ba ki nongshong ki shong khop kat ba ka sorkar pat ka phah wanrah jingpang da ki truck na Assam. Haba ki briew jong ka jylla ki wan na kano kano ka jylla ka sorkar ka bthah ba ki leh qurantine, hato ia ki driver truck balei kim leh kum juh, hato kane ka khlam kam ktah mo iaki driver, ka pyrthei hi baroh kawei ka tip ba kane ka jingpang kam map iano iano ym don heh don hain ym don baduk ne riewspah ka sar naphang.
Ka MPLU sa shisien ka buh ki jing kyrpad ia baroh ki nong shong shnong ka jylla ban shim khia bad kyrshan lang iaki ne ki jingiakhih ba ki seng bhalang bapher bapher bad ki synjuk waheh Shnong ha East Jaintia ki la iakhih.
La kyrpad ruh iaki nong mih khmat baroh 60 ngut ba kin kren halor kane ka jingma kaba ap iaka ri bad jaitbynriew ka jingiakhih ka jong ki ka long ban ia leh pyrshah ia u COVID-19 ka sorkar ka dei ban sngewthuh. La ong u bah Albinus Lamurong President MPLU Jiantia Hills Unit.
