Shillong, Rymphang 26: Ka Meghalaya States AIDS Control Society (MSACS) kum shibynta ban ia leh pyrshah ia ka jingpang HIV and AIDS ha poh ka jylla bad kumjuh ruh ban ai ka jingpyn sngew thuh sha ki paidbah kan pynlong da ka ‘Red Fest The North East Multimedia Campaign’ ha ka sien ka ba san.
Ka phang pdeng jongkane ka campaign kalong ‘ North East United Against HIV / AIDS. Ia kane ka Campaign ka MSACS kan pynlong hapoh ka Lariti Center for Performing Arts, Shillong ha ka 28 tarik u bnai Februrary 2024.
Ha ba ioh ban iakren bad ki ladpathai khubor ha poh ka Shillong Press Club na ka liang ka Dr B Cruse ka ba dei ka project director jong kane ka Meghalaya AIDS Control Society ka la ong ba hakane ka campaign ynwan ban ia shim bynta da palat 2500 ki nong ia shimbynta ka ba kynthup na duh ki heh officer na ki tnad sorkar bapher bapher.
Ka Dr Cruse ka la ong ba ka Jylla Meghalaya mynta ka la wan kham sha khmat ha ka ba iadei bad ka jingjyllei ki ba ioh ia kane ka jingpang HIV ba kynthup ruh ia kine ki Jylla ha North Eastern.
Ka la ong ruh ba ka East Jaintia Hills bad ka West Jaintia Hills ki long ki ba kham paw ha ka jingjyllei ia kane ka jingpang. Ka la ong ruh ba ka East Khasi Hills bad ka West Khasi hills ki long ki district ki ba wan ba ar.
Ka Dr Cruse ka la ong ruh ba kidaw ba ha khmat jongka jingjyllei jong kane ka jingpang ka dei lyngba ka jingiashong kha pathar khlem jingiada ha kaba ki briew ha ki nongkyndong ki ioh ia kane ka jingpang.
Ka la ong ruh ba ki daw ba ha khmat jong ka jingjylei jong kine ki jingpang ha ki jaka sor ka dei lyngba ka jingia ai inject Drug bad ka jingia shong khah pathar khlem jingiada.
Na ka liang u Deputy Director u bah Ajoy Lanong u la ong ba kumba 126 tyllli ki district jongbaroh ki jylla ka North east kin wan ban ia shim bynta hakane ka Red Fest, U la ong ruh ba kin don ruh ki kynhun tem baper bapher ki ban wan ban ia shim bynta lang ha kane ka campaign. U la ong ruh ba kin don ki kynhun tem bapher bapher ki ban wan sha kane ka campaign.
U bah Lanong u la ong ruh ba ka jingthumu jong kane ka Red fest ka long ban wanrah ia ka jingpynsngew thuh sha ki paidbah ha ka ba iadei bad ka jingia shong kha shongman bad kumjuh ruh ban ai ka jingpynsngew haka ba iadei bad ka jingshah niew poh jong kine ki briew ki ba don ia u khniang jingpang HIV.
U la ong ruh ba ka jingthmu jong kane ka Campaign ka long ban pynshlur ia ki paidbah ba kinwan sha ki testing center bad kumjuh ruh sha ki counseling center khnang ban lah ban iada na u ne u khniang jingpang HIV.
U bah Lanong u la ong ruh ba ka thong jongkane ka campaign ka dei na ka bynta ki samla ki ba naduh ka 15 haduh 29 snem ka kyrta. Kumta u la kyntu ia ki samla ba kin wan sha kane ka Campaign khnang ba kin ioh ia ka jingpyn sngew thuh ha ka ba iadei bad ka jingma jong une u khniang jingpang.
U la ong ruh ban kin don ki kynhun tem ki bapher bapher ki ban wan tem ha kane ka sngi kiba kynthup naduh ka kynhun Summer Salt, Toxic Pony, Voodoo Child bad kiwei kiwei.
