Shillong, Naitung 20: ka nongbah Shillong kala long kawei na ki Smart City, hynrei kaba pynlyngdoh haduh mynta ba don kano kano ka dak ba ka sorkar kan shna noh ia ka ophis ba pura na ka bynta ka Shillong Municipal Board, wat la ia ka jaka la buh dak ha rum ka ophis jong ka NPP kaba dang shna thymmai.
Ka ophis jong ka Shillong Municipal Board kaba don ha Jail Road la pynklynriah noh ia na katei ka jaka sha Bivar Road, ha ki iing kiba la shna ban shong ki Kharmetor bad na katei ka jaka ruh la kynriah sha shiliang surok ha ka jaka ba don ka Meghalaya Basin Development Authority kaba trei kam mynta.
Khlem da pynpaw kyrteng, kiba bun ki kwah ban iohi ba ka sorkar ka dei ban shna noh ia ka ophis jong ka Shillong Municipal Board khamtam ba ka nonbah Shillong kala dei na wei na ki Smart City ha ka Ri India katba kam don ia ka ophis ba pura jong ka SMB.
Mynta ka SMB kala buh shibun ki nongtrei ban pynkhuid ia kane ka sor, Shillong bad ki don bun bah ki jingtei ha kane ka nongbah Shillong kiba dei shibynta ban pynitynnad ia ka sor Shillong, ka ioh ia ka kyrdan Smart City bad ka SMB ki don lang ban pynkhuid ia ka sor Shillong kiba bun ki kwah ban iohi ba ka sorkar ka dei ban shna noh ia ka ophis trei kam ba pura ka Shillong Municipal Board.
