Ka Operation SINDOOR, ka buit treikam bad ka rukom pynphai ba khlain jong ka India

New Delhi, Jymmang 12: Ha ka 22 tarik Iaiong, ka jingthombor ki lehnoh ka la jia ha Pahalgam. Ki nongthombor ba la kyrshan da ka Pakistan, ki la thombor ia kawei ka shnong, ki la kylli ia ki briew ia ka niam jong ki, bad ki la pyniap ia ki, ha kaba 26 ngut ki la iap.

Ka jingpyrshang kaba shai ban wanrah ka jingiaumsnam hapdeng ki jaitbynriew, kane ka la pyni ia ka jingkylla, na ki jingthombor na shiliangpud bad ka jingpyrshang ban pyniaphiah ia ka India. Kum ka jubab, ka India ka la sdang ïa ka Operation SINDOOR ban pynduhpyndamïa ki ktem lehnoh kiba don ha lyndet jong kane ka jingthombor.

Hynrei ka Pakistan ka la pynphai kylla kham jur. Ha ka taiew kaba bud, ka la pyndonkam da ki drone bad ki jingsiatia ki jaka niam. La thombor ia ka Shambhu Temple ha Jammu, ka Gurdwara ha Poonch, bad ki convent jong ki Khristan. Kine kim dei ki jingther ba shujiaryngkhat. Ki la long shi bynta jong ka jingthmu ban pynpraia ka jingiatylli jong ka India.

Ha ka jingïakren ba nyngkong bad ki lad pathai khubor ha ka 7 tarik Jymmang, ka India ka la pynshaiïa ka jubab jong ka kum kaba pynleit jingmut, kaba la shim jingkheiñ bad ka bym ialam sha ka jingpynphaikylla. La kdew kyrpang ba ki jaka shipai jong ka Pakistan kim shym la shah thombor.

La ban biang ba kanokano ka jinghiarthma ia ki shipai ha India kin ioh ia ka jubab kaba biang. U Foreign Secretary VikramMisri, ha ki jingïakren bad ki lad pathai khubor ha ka 8, 9, bad 10 tarik Jymmang, u la kren shaphang ki sienjam jong ka India bad pyrshah ki jingthmu jong ka Pakistan.

Ha ka juk digital, ka jingiakhun kam sahkut tang ha ki madanthma. Nalor ki kam shipai, ka jingpyndonkamia ka jingtip kum ka atiar kaba jur bha ka dang ïaid lyngba ka bor internet. Hadien ka jingsdangia ka OperationSINDOOR, ka India ka la shem ba ka la shah ther da ki jingpynbna kiba jur bha kiba ialam bakla ba la pynlong da ka Pakistan. Ka jing thmu kalong  ban pynkylla ia ka jingshisha, ban ialam bakla ia ki briew ha ka pyrthei, bad ban ioh biang ia ka jingshisha hapdeng ki jingai jingtip kiba bakla.

Hynrei ka India ka dang shimkhia ban jubab bad pynphriangia ki jingtip kiba bakla da ki jingshisha, ka jinglong kaba shai bad ka dang pyni ia ka jingpeitngor kaba khlain ha ka digital. Ha ka jaka ban leh pyrshah da ka jingsngew, ka India ka la shim ia ka rukom kaba ryntih bad kaba don ka rukom treikam ha ka thma jingtip:

• Ka jingpyniia ka jingseisoh ka kam: La pyni ia ka jingseisoh jong ka operation SINDOOR da kaba shai, da kaba pynleit jingmut ha ki jingmih ba kongsan ban ia ka jingpynbyrngia.
• Ka jingpynjah burom ïa ki tyllong jingpynbna: Ki bor ba dei khmih jong ka India ki la pynpaw pyrthei ïa ki buit thok ba la pyndonkam da ki account ba don ha Pakistan, kiba bun na kine mynta ki don hapoh ka jingpeit bniah jong ki lad pathai khubor jong ka pyrthei.
• Ka jingkyntiew ia ka jingsngewthuh ia ki khubor: Ki jingialap ban hikai ia ki nongshong shnong kumno ban ithuh ia ki khubor lamler ki la iarap ban wanrah ia ka jinglong kaba kham khlain ha ki kam digital.

La pynshitomia ka Pakistan lyngba ki shipai bad kiwei kiwei ki sienjam

Ka Operation SINDOOR ka dei ka jingpyni kaba kongsan ia ka bor shipai jong ka India, kaba la pyndep lyngba ka jingiasoh lang ki lad shipai bad ki lad bym dei jong ki shipai. Kane ka jingtreikam kaba bun rukom ka la pynduhjait bha ïa ki jingma jong ki lehnoh, ka la pynsangehïa ka jinglehdonbor jong ka Pakistan, bad ka la pynskhemïa ka polisi zero-tolerance  jong ka India ïa ki kam lehnoh. Ka jingtreikam ka la pynnehia ka jingpyniaidbeit katba ka dang ioh ia ka jingkyrshan na ki ri ka pyrthei.

Kiwei kiwei ki sienjam ba la shim:

• Ki sienjam jong ka India ki la don ka bynta kaba kongsan ha kaba pynwandurïa ka jinglong jingman kaba donkam bad ban pynthikna ïa ka jingkyrshan jong ki paidbah bad ki ri ka pyrthei. Lyngba ka jingthaw ia ki polisi, ka jingpeit bniah ia ka rukom sngewthuh ia ki jinglong jingman, bad ki jingtreikam ba iadei bad ka jingmut jingpyrkhat, ka India ka la pynthikna ba ka Pakistan ka la iengmarwei ha ki kam ka ioh ka kot katba ka pynkhlain ia ka jingpynkhreh hapoh ka ri bad ka jingkyrshan jong ka pyrthei.
• Ka sienjam kaba kongsan hapoh ka Operation SINDOOR ka long ka jingpynkut ka India ïa ka Indus Waters Treaty. Kane ka la don ka jingma kaba khraw ia ka Pakistan, ka ri kaba shaniah shibun ha ka wah Indus na ka bynta 80% na ka jaka rep kaba 16 million hectare bad 93% ka jingpyndonkam um jong ka. Kane ka rukom treikam ka kyrshan ïa 237 million ngut ki briew bad ka noh synniang shi bynta na ka saw bynta jong ka GDP jong ka Pakistan lyngba ki jingthung kum u kew, u kba, bad cotton.
• Da kaba ki dam Mangla bad Tarbela ki don tang 10% ka jinglah ban pynlang um (14.4 MAF), kanokano ka jingpynthut ha ka jingtuid ka um ka lah ban wanrah ia ka jingduhnong kaba khraw ha ka rep ka riang, ka jingduna bam, ka jingpynbiang um ha ki nongbah, bad ka jingpynlipbording. Ki karkhana kum ki jain bad ki sboh ki lah ban shah ktah. Kine ki jingjia kin ktah jur ïa ka ïoh ka kot jong ka Pakistan kaba la tlot lypa, kaba pynlong ïa ka ban poi sha ka jingeh ha ka liang ka pisa tyngka bad ka pisa nabar ri.
• Na ka bynta ka ri India, ka Indus Waters Treaty ka la pynthutslem ia ka jingkyntiew ia ki jingdon jingem ha Jammu & Kashmir, kaba khanglad ia ki projek ban shna ia ki jingtei kiba iaid lyngba ia ka wah. Ka jingpynsangehia ka jingiateh ka ai bor pura ia ka India ha kaba iadei bad ki wah ba don shaphang sepngi kum ka Jhelum bad Chenab, kaba pynlah ban tei ia ki jaka buh um thymmai ha Jammu & Kashmir, Ladakh, Punjab, bad Haryana. Kane ka la kyntiew ia ka jingpynmih um bad ka jingpynmihbordingilektrik bad ka la pynkylla ia ka lad jong ka jingiadei bad kiwei kiwei ki ri sha ka jingdon jingem jong ka roi ka par. Da kaba pynsangehnoh ia ka jingiateh, ka India ka la phah ia ka khubor kaba khlain – “Ka snam bad ka um kim lah ban ia tuid lang.”
• Ka India ka khangïa ka khappudAttari bad Wagah bad pynsangehlutïa baroh ki khaii pateng bad ka Pakistan. Ka la pynsangehia ka jingshalan ia ki mar ba kongsan kum u piat bad khang ban wanrah ia ki dewbilat bad ki jain. Kane ka sienjam ka la pynduhnoh ia ka lynti khaii pateng kaba kongsan hapdeng ki ar tylli ki ri, kaba la wanrah ia ka jingthut kaba khraw ha ka jingiadei ha ka ioh ka kot.
• Kane ka jingpynsangeh ka la buh jingeh mardor ia ka Pakistan, kaba la iakhun lypa ia ka jingkiew dor bad ka jingeh ha ka liang ka ram. Da kaba pynduhnoh ia kine ki jingkyrshan ha ka ioh ka kot khlem da pynjur ia ka jingialeh ki shipai, ka India ka la pynskhem ia ka nongrimzero-tolerance jong ka.
• Da kaba pyni ia ka jingkut jingmut kaba skhem pyrshah ia ki kam lehnoh, ka India ka la weng noh ia ki visa jong baroh ki nong Pakistan kiba sah ha ka ri bad pynphai noh mardor ia ki hadien ka jingthombor ki lehnoh ha Pahalgam.
• La khang pura ia ki barikor na Pakistan, da kaba pynsangehlut ia baroh ki jingrwai, ki jingpyni, ki jingpynmihjingrwai, bad ki jingiasammarkyllaing ia ka kolshor. Kane ka jingkhang ka long haduh ki rynsan streaming, kaba la pynduhpyndamnohïa ka jingktah jong ka kolshor jong ka Pakistan ha India.
• Ha kaba iadei bad ka pyrthei, ka India ka la pynpaw pyrthei ïa ki jingdon jingem jong ka Pakistan kiba iadei bad ki kam pyntriem bad ka la pynthikna ba kiwei kiwei ki ri ki la kyntait ia ka Pakistan.
• Baroh, kine ki sienjam ki la pynjulor jur ïa ka Pakistan ha ka liang ka ioh ka kot bad ka jingïadei. Ki la kyntiew ia ka jingkyntait kiwei kiwei ki ri ia ka katba ki pynskhemïa ka jingkular jong ka India na la bynta ka polisi zero – tolerance pyrshah ïa ki kam lehnoh.

Ka jingpyniia ka jinglong nongialam ha ka kyrdan kylleng ka pyrthei:

Ha kaba iadei bad kane ka jinglong jingman, ka khyllipmat jong ka jingeh jong ka ri ka la dawa ym tang ia ka jingpynbeit hynrei ia ka jinglong nongialam kaba kongsan. Ha kaba pynbeitia kane ka jingeh u Myntri Rangbahduh ka ri u Narendra Modi, uba ka bynta ba kongsan jong u ha ka Operation SINDOOR ka la long kawei na ki jubab ha ki kam shipai ba shlur tam jong ka India ha ka histori ba dang shen. Watla u don shabar ri ha ka jingleitjngoh ba la pynbeit lypa, u Myntri Rangbah duh Modi u la shimti kloi ïa ka kam, da kaba ai ka jubab kaba peit lang ïa ka jingpyrkhatjngai bad ka jingleh pyrshah kaba khlain. U la pyni ia ka jingpyniaid kaba phylla hapoh ka jingpynbor kaba khraw ban leh kloi bad u la pynthikna ba man la ka sienjam, naduh ka jingpynsangeh ia ka Indus Waters Treaty haduh ka sienjam jong ki shipai, ka long kaba la thmu bha bad kaba ha ka por.

• Ka jingpeit jngai bad ka jubab kaba la saindur bha ka la pynpaw ia ka rukom treikam jong ka kam. Ha ka jaka ban tur bran bran sha ka jingther kaba pynsngewsihne kaba pynkhihwin, u Myntri Rangbah duh u Modi u la wanrah ïa ka jingartatien ban khangladïa ka Pakistan ne ki lehnoh ban pynkhreh ban pynphai kylla. Ki jingther ki long kiba la pynleit jingmut bha ha ki jingdon jingem jong ki kam lehnoh, bad ïa kane ka jingshai jong ka jingthmu la iaroh da baroh ki kynhun sain pyrthei, kynthup ïa u nongïalam ka liang pyrshah u P. Chidambaram, uba la ïarohïa u Myntri Rangbah duh Modi namar ba u la thew tang ïa ki jaka jong ki kam lehnoh, da kaba kiar na ki jaka ba shong ki riewpaidbah.
• Ha baroh ki jingjia bad ka Pakistan, ka jingthmu ba la buh jingmut pyrshah ïa ki kam lehnoh ka sah kumjuh. U Myntri Rangbah duh Modi u pynleit jingmut beit ha kaba ai ia ka jubab kaba skhem bad kaba shai. Ki jingiaipyrshang jong u pyrshah ia ki kam lehnoh, la shim kum ka jingma ha ka pyrthei kaba la iarap ia ka India ban ioh ia ka jingkyrshan na ki ri ka pyrthei. Hapoh ka jingialam jong u, ka India ka la pynskhemia ka nongrim ba ia ki kam lehnoh bad ki nongkyrshan jong ka yn leh kumjuh.
• Da ka jubab kaba skhem, hynrei kaba donbor, la pynthikna ba kan ym don kanokano ka jingma ia ki riewpaidbah ka Pakistan, wat hapdeng ki jingpynkhihwin kiba la jujia na ka Pakistan. Ki sienjam jong ki shipai jong ka India ki long tang ha ki jaka sah jong ki lehnoh bad ki jaka shipai ba kyrpang kiba iarap ia ki lehnoh. Kane ka jingthmu kaba phikirbha ka la pyni ia ka jinglah jong ka India bad ka jingaiti jong ka ha ka thma kaba don jingkitkhlieh.
• Haba weng ïa ki jingeh kiba la slem bha, ka rai jong u Myntri Rangbah duh Modi ban pynsangeh noh ïa ka Indus Waters Treaty ka long ka sienjam kaba kongsan, ym tang ba ka ktah ïa ki jingmyntoi jong ka Pakistan hynrei ka ai jingmyntoi ruh ïa ka India. U la wanrah ia ka rukom iada ri ba thymmai: ia kanokano ka jingshah thombor ha ki por ban wan yn niew kum ka jinglehthma. Kane ka la pynduhnoh ia ka jingiapher hapdeng ki lehnoh bad kito kiba don ha ka bor Sorkar kiba kyrshan ia kine ki kam.

Kaei ka jingjop jong ka Operation SINDOOR

Ki jingmihna ka Operation SINDOOR ki pyni shai ia ka jingktah jong ka:

1. La pynduhnohhynniew tylli ki ktem lehnoh: Ka India ka la lah ban pynjot ia khyndai tylli ki ktem lehnoh kiba heh ha Pakistan bad ha Jammu and Kashmir (PoJK) ba la synshar da ka Pakistan, da kaba thmu ia ki jaka treikam jong ka Lashkar-e-Taiba, Jaish-e-Mohammed, bad ka HizbulMujahideen.
2. Ki jingther ba thikna shabar pud: Ka India ka la pynkylla thymmai ïa ka rukom ïakhun, da kaba hiarthmashapoh ka jaka pdeng jong ka Pakistan, kynthup ïa ka jylla Punjab bad ka Bahawalpur, kaba la jukheiñ ba ka long shabar pudwat na ka bynta ki drone jong ka U.S. Ka India ka la kren shai: ka LoC ne ka jaka jong ka Pakistan kan ym sah khlem da ktah lada ki kam lehnoh ki mih na ken ka jaka.
3. U PudBathymmai: Ka Operation SINDOOR ka la buh ia u pud ba thymmai- lada ka jinglehdonbor ka dei ka polisi jong ka ri, yn ïakynduhïa ka da ka jubab kaba shai bad kaba donbor. Kane ka la pyni ia ka jingkylla na ka jingpynsangeh sha ka jingshim ia ki sienjam ba khlain.
4. Ka Jingpynshitom kaba mar katjuh ia ki lehnoh bad ki nongkyrshan jong ki: Ka India ka la kyntait ia ka jingiapher hapdeng ki lehnoh bad ki nongkyrshan jong ki, da kaba ther ia baroh ha kajuh ka por. Kane ka la pynkut noh ia ka jingbym shah pynshitom kaba bun ia ki lehnoh kiba treikam na Pakistan
5. Paw ki jingduna jong ka Pakistan ha ka liang iada na ki jingma kiba wan na ka suinbneng: Ki shipai Air Force jong ka India ki la iaid lyngba bad khanglad ia ki lad iada suinbneng jong ka Pakistan ba la ai da ka China, da kaba pyndep ia ka kam tang hapoh 23 minit da kaba pyndonkam ia ki liengsuinRafale, ki namding SCALP, bad ki bom HAMMER, kaba pyni ia ka jingstad jong ka India ha ka liang ka teknoloji.
6. La pyni ia ka jingkhlain jong ka India ha ka liang ka jingiada suin: Ka jingiadasuinbneng jong ka India kaba don bun ki bynta, kynthup ia ka rukom iada suinbneng jong ka ri India Akashteer, ka la siat da ki spah tylli ki drone bad ki namding. Kane ka la pyni ruh ia ka jinglah jong ka India kaba nang kiew ha kaba shalan shabar ri ia ki tiar iada kiba tbit bha.
7. Ka Jinglong kaba thikna khlem da pynjur: Ka India ka la kiar ban thew ia ki shipai bad ki paidbah, da kaba pyni ia ka jingbym shah jong ka ia ka kam lehnoh katba ka dang tehlakam ia ka jinglong jingman na kaba nang jur sha ka thma kaba pura
8. Ka jingpynduhnohïa ki nongïalam ba kongsan jong ki lehnoh: Bun ki lehnoh ba pawnam kiba don ha ka thup ba la wad bha ha ka ri India la pynduh noh ha kawei ka miet, kaba la pynthutïa ki bynta ba kongsan jong ka jingtreikam.
9. Ki jinghiarthma da ki liengsuiñïa ki jaka buh shipai jong ka Pakistan: Ha ka 9–10 tarik Jymmang, ka India ka la long ka ri kaba nyngkong eh ban hiarthmaïa ki 11 tylli ki ktemliengsuiñ jong ka ri kaba don tiar nuclear ha kawei ka jingther, da kaba pynjot 20% na ki jingdon jingem jong ka Pakistan. Ki jingjulor kiba bun ki la jia ha Bhoolari Airbase, kynthup ïa ka jingïap jong u nongïalamUsman Yusuf bad ka jingpynjotïa ki liengsuiñïapom ba kongsan.
10. Ka Jingtreilang jong ki Lai tylli ki kynhun Shipai – Ka Indian Army, Navy bad ka Air Force ki la trei lang ha ka jingiatreilang kaba pura, kaba pyni ia ka bor jong ka India ha kaba iadei bad ka rukom leh thma.
11. La pynpoi ia ka Khubor sha ka Pyrthei – Ka India ka la pyni ia ka pyrthei ba kam donkam ia ka jingai jingbit jongnojongno ban iada ia ki briew jong ka. Ka la pynskhemia ka jingmut ba ki lehnoh bad ki nongpyniaid jong ki kim lah ban riehshanoshano ruh, bad lada ka Pakistan ka pynphai, ka India ka la pynkhreh na ka bynta ka jinghiarthma kaba khlain.
12. Ka Jingkyrshan na ki ri ka Pyrthei – Ym kum ha ki jingialeh ba mynshuwa, ha kane ka kynti bun ki nongialam ka pyrthei ki la kyrshan ia ka India, ban ia kaba khot ia ka jingpynsangeh. Ka jingkylla ka la pyni ia ka jingkiew jong ka India ha ka pyrthei bad ka jingsynshar ia ka rukom sngewthuh ia ki jingshisha.
13. La pynkylla thymmai ïa ka jingïathuh shaphang ka Kashmir – Ha ka sien kaba nyngkong, ïa ki kam jong ka India la peit thikna ka liang jong ka jingïaleh pyrshah ïa ki lehnoh, ha kaba ïa ka mat ba iadei bad ka Kashmir ym shym la pyniadei bad kane ka jingther. Ia kane la pynlong da ka jinglong thikna bad jingshai jong ka Operation SINDOOR.

Jingpynkut:

Ka jubab jong ka India ia ka jingshah thombor ha Pahalgam ka la ieng skhem ha ka nongrim jong ka ain bad akor. Ka historikankynmaw ia ka kum ka jingpynphai kaba iahap bad kaba don nongrim bad kaba la pynbeitryntih, kaba la wan lyngba ka jinglong nongialam, ka akor, bad ka jinglong kaba thikna ha ka buit treikam. Ka Operation SINDOOR ka la pynkylla dur thymmai ia ka jinglong jingman jong ka sain pyrthei bad ka jinglong jingman jong ka thain South Asia. Kam shym la long tang ka kam shipai, hynrei ka jingpynskhem ba bun rukom ïa ka jingsynshar, ka jingkut jingmut bad ka jinglong jong ka India ha ka pyrthei.

Hapoh ka jingïalam kaba kut jingmut jong u Myntri RangbahduhModi, ka India ka la pyni ïa ka rukom treikam kaba thymmai, kaba pynïasohlangïa ka jingpietjngai bad ka jingkhlain, bad ka jinglong kaba thikna bad kaba don ka jingthmu kaba shai. Da kaba thmu ïa ki kynhun lehnoh bad ki nongkyrshan jong ki na ka jylla da ka jingshai kaba ym pat jujiamynnomynno ruh, ka India ka la phah ïa ka khubor kaba khlem jingartatien: ki kam lehboh kin ïakynduh ia ka jubab kaba mardor bad kaba ïahap, khlem da kheiñïa u pud u sam ne ki jingeh ha ka liang ka jingïadei.