Shillong, Kyllalyngkot 05: Ka jingiaseng ialap kaba la tip kum ka Meghalaya “Revival bad Healing Festival” kaba saw sngi lyntyter kan long ha madan Dieng Jabinim ha Bhoirymbong ka ban sdang ha ka 27 bad kan kut ha ka 30 Tarik Kyllalyngkot 2026.
Haba kren ha ki lat pathai khubor ha Shillong Press Club u Bah Crosslin Marbaniang u wei na ki nongpyniaid ia kane ka tamasa la ong ba kane ka Gatekeepers ka ba dei ka bhah jong ka jylla Meghalaya, kane ka jaka ka long ha rud jong ka surok bah NH-30 pyrshah ia ka madan Kurkalang Sports Complex ha Bhoirymbong.
Kine ki saw sngi kin long ki sngi jong ki jingduwai bad ban kyntiew ia ka jingiadei ha ka imlang sahlang bad kane kan pynshlur ban long kiba iaid shah, ban ia map, ban ia imlang kum kawei ka kynhun, kane ka jingialang kan long kaba jai jai bad kam don kano kano ka jingia dei bad ki snap seng sain pyrthei bad la khot la wer sngewbha ia baroh ban ia poi sha kane ka tamsa jingialap.
Baroh ki jingdon ha kine ki sngi yn pynlong katkum ki riti dustur jong kane kane ka jylla Meghalaya bad kiwei ki jylla kiba markhap, ia ki jingtip kiba bniah ynsa sdang pyntip paidbah ha kine ki sngi ki ban dang wan bad ka jingpynkhreh kala iaid naduh mynta ka sngi.
