Shillong, Rymphang 28: Mynta ka sngi u president ka JNC u Shri Sambormi Lyngdoh u la pynpaw ia ka jingsngewpyrshah ia ka jingkren u dkhot ka BJP u Sunil Deodhar, ia ka jingpyrshah jong u ia ki khristan ha ka jingialang ha ka skul ha shnong Pynter.
Ka jingkylla niam jong uno uno da ka bor ka long kaba bakla shibun, kum ki Khristan, ki ngeit ba U Jisu u dei ka jingieit, bad kano kano ka jingpyndonkam da ka bor ka long pyrshah ïa ka jinghikai jong U Jisu Khrist.
U President ka JNC ula ong haba u blei u thaw ïa ka pyrthei, u la ai ruh ha u bynriew ia ka mon laitluid; ym dei ban don mano mano ba pynbor ïa u ne ka briew. Kum ki Khristan ki burom ïa baroh ki niam ha India, bad ki khmih lynti ba kin ia burom markylliang.
U tei u nongialam la ong kam mut ba tang namar ba dei ki Khristan, ym dei shuh ki nong India. Ym dei ban pynshitom lane ñiew ïa ki kum ka jingma ïa kane ka pyrthei. U Jisu um shym la phah shipai; u la phah nongialap.
U blei u la phah ïa u Jisu sha ka pyrthei, ym sha ka ri kaba kyrpang, kumta, ki long shibynta jong ka pyrthei bad, hooid, shibynta jong ka Ri India. Ym lah ban kyntait ïa ki tang namar ba ki dei ki Khristan.
Ula ong ba ula ai ia ka jingkren jong u ha ka ktien phareng khnang ba kiwei ki para jaitbynriew kiba bud ia ka jingngeit Hindu bad Muslim kin sngewthuh ba hapoh ka Ri India ka don ka juh ka riti synshar ha kaba baroh ki don ia kajuh ka hok.
