New Delhi, Nailar 03: Ia ki nongjop jong ka National Film Awards kaba 71 na ka bynta u snem 2023 la pynbna mynta ka sngi da ki kynhun bishar bapher bapher. Mynta u snem, ki khusnam ki la sakhiïa 332 tylli ki jingïashim bynta ha ka thup “feature film”, 115 tylli ha ki non-feature film, 27 tylli ki kot, bad 16 tylli ki jingai jingmut jong ki Nongbishar.
Ka Rimdogittanga, ka dei ka phlim ha ka ktien Garo, kaba la direk da u Dominic Megam Sangma, ka la ioh ia ka khusnam Best Garo Film ha ka National Film Awardskaba 71 na ka bynta u snem 2023. La pynmih da ka Anna Films, Uncombed Buddha, bad ka Joicy Studio, kane ka phlim ka la ioh ia ka khusnam Rajat Kamal bad ka song tyngka kaba T. 2,00,00.
Ka 12th Fail ka la shah pynkup burom da ka khusnam Best Feature Film ha ka National Film Awards kaba 71. Ka phlim “Flowering Man” ka la ïohïa ka khusnam Best Non-Feature Film, katba ka God Vulture and Human ka la ïohïa ka jingithuh kum ka Best Documentary.Baroh ar tylli ki phlim ki la ioh ia ka khusnamNational Film Award ba nyngkong eh jong ki.
U Shah Rukh Khan (Jawan) bad u Vikrant Massey (12th Fail) ki la ioh ia ka khusnam Best Actor. Kane ka dei ka National Film Award kaba nyngkong eh jong u Sharukh Khan ha ka jingim jongu.
La pynkup burom ia ka Rani Mukerji da ka khusnam Best Actress namar ka jingtbit jong ka ha ka phlim Mrs. ChatterjeeVs Norway. Kane ka dei ruh ka khusnam ba nyngkong eh jong ka ha ka National Phlim Award.
Ki aktor ba la trei slemu Vijayaraghavan bad u MuthupettaiSomuBhaskarki la ioh ia ka khusnam Best Supporting Actor.
Ia kane la pynbna da u AshutoshGowariker (Feature Film Jury Chairperson), u P. Sheshadri (Non Feature Film Jury Chairperson), bad u Dr.Ajay Nagabhushan MN, Joint Secretary (Films). Ka Mattu J. P. Singh, Director General, PIB, ki la iadonlang ruh ha kane ka jingialang.
