Shillong, Rymphang 12: Ka Village Organisation kaba don hapoh ka Shnong Umran Diary kaba la tip kum ka “Ngin ia treilang Village Organisation” kala pynlong daka jingpyn sngewthuh paidbah lane ka Awareness sha ki paidbah halor ka phang Ka jingsniew na ka jingdih drok bad ka shong kha khynnah ia kane la pynlong ha ka sngi Balang.
Ha kane ka sngi la wan ban ai mynsiem lang da u Dr David Lyngdoh u ba dei u President ka Seng Sain Pyrthei ka UPF ki Nongialam Shnong jong ka Shnong Umran Diary, ki ophisar sorkar napoh ka tnat social welfare lem bad kiwei kiwei.
Hakane ka juh ka sngi naka liang ka Umran Diary Sports and Cultural Club kala sam ruh daki jain tapmoh syaid sha ki 30ngut ki longkmie jong ka Shnong Umran Diary bad kila sam ruh daki jingai sngewbha sha ki Nongkitkam jong ka shnong kiba kynthup iaki Asha, aganwandi, ki nonghikai, ki riew rangbah bad iaka longkmie Tilda Wardkhar kaba dei kawei ka longkmie ba ju lah ban wan rah iaka khuid ka suba hapoh Shnong poh thaw hapoh ka Shnong Umran Diary.
Haba ai jingkren naka liang u Dr David u la ong ba ka shongkha khynnah ka dei kaba ktah bha haka imlang ka sahlang hapoh ki shong ki thaw ba lada don ki khynnah kiba shongkha khynnah hapoh ing poh sem kan ktah bha bad u la ong ruh ba kata ka khynnah ka shongkha khynnah kumno pat kan lah ban kit iaka lyngkor kaba khiah hapoh ka ka jinglong khynnah ka jong ka dang haka rta kaba 18snem hapoh.
