Shillong, Lber 07: Ka kynhun pulit ANTF ka jylla Meghalaya kila pynlong ia ka jingkhynra ia ki kali kiba wan sha ka jylla ha ka sngi saitjian ka 6/2/2026 ha Ratacherra ia kaei ka kali kaba don ia u number MZ-01-M-8625.
Ha kane ka jingkynra la ioh ban kurup khat khyndai tylli ki synduk sabon bad ka jingkhia jong u drok heroin kala kot sha ka 203.7 gram bad 10.145 kilo u methamphetamine bad ka dor ha iew die tuh kala kot sha ka T. 51,13,24,000/- klur tyngka.
Kane ka long ka jingioh kurup drok kaba heh duh da ki pulit jong ka jylla Meghalaya, ia ki 19 tylli ki synduk sabon ba thep drok heroin la ioh ban kurup na ka pla jong kawei ka kynthei brioew bad ia u methamphetamine la ioh ban kurup na kawei pat ka pla jong ba don lang ha ka juh ka kali.
Ha kane ka kali don tang ar ngut kiba shong bad u nongniah ia ka kali baroh ki don lai ngut, na ka liang jong ki pulit kila sdang ia ka jingtohkit ban lap ia kiwei kiba don kti ha kane ka kam khaii drok na kawei ka jylla sha kawei pat ka jylla.
