Shillong,Iaiong 9: Ka kong Easter Giselle Kharkongor ka Vice President ka Meghalaya Motorsport Society kala pynbna ba kan long ka sien kaba nyngkong ha ka thain shatei Lam Mihngi ban pynlong ia ka MRF Super Crossing Championship 2026 ka ban long ha Shillong.
Ka kong Easter haba kren ha ki lat pathai khubor ha Shillong Press Club kala iathuh ba ia ka bynta jong ka jingiamareh kali kan sdang ha Shillong bad bud sa kiwei kiwei ki nongbah jong ka Ri India.
Kane ka jingiamareh kali kan sdang lashai ka sngi na Shillong bad ha kane ka jingiamareh ki kali ha kane ka nongbah Shillong kin kynthup ia ki 10 tylli ki jait rukom ban niah ia ki kali namar ka jinglong ka jaka ym shym lah ban buh ia ki rukom iaid kiba kham pher.
Ha kane ka sngi la don lang u Shyam Kothari u ba dei kum u nongkyntiew ia ka MRF Supercross Championship u president ka Meghalaya Motor Sport Society u bah Phoebe Dale Nongrum bad kiwei ki dkhot jong ka society.
