New Delhi, Naitung 25: U Jayant Chaudhary, Myntri Khynnah ba peit ia ka Tnad Skill Development bad Entrepreneurship (MSDE) bad Myntri Khynnah ka Tnad Kam Pule Puthi jong ka Sorkar India u la pyllait paidbah ia ka Skhim Model Skill Loan ba la pynkylla.
Kane ka dei ka jingthmu ban plié lad ia ki jinghikai pyntbit, kiba kynthup ki jinghikai kiba kham halor kiba ju long kiba rem dor bha, hynrei mynta ki ban lait na ki jingteh ha kaba iadei bad ka pisa. Kane kan pynkupbor ia ki samla jong ka India ba kin long ki nongtrei kiba la pynkhreh na ka bynta ka lawei.
Ka skhim ka thmu ban plié lad ba suk ban ioh ia ki jinghikai pyntbit, namar bun ki samla kiba don sap ki shem jingeh ban ioh ia kine ki jinghikai namar ka jingbym lah kotbor ha kaba iadei bad ka dor jong kine ki jinghikai kiba ai ia ki ki sap na ka bynta ka lawei bad kumba donkam ha ki jaka trei.
Da kaba ithuh ia ka bynta kaba khraw jong ki NBFC bad ki Micro Finance Institution ha kaba iadei bad ka jingai ram na ka bynta ka jingpyntbit, ka MSDE hadien ka jingioh jingbit na ka Tnat Kam Pla Tyngka ka la wanrah ia ki jingpynkylla ha ki mat treikam jong ka skhim.
Mynta, ki NBFC, ki Micro Finance Institution bad ki bank kiba rit ki lah ban ai ram ia kiba yn ai jingiada na ka jing bym lah siew biang haduh 75% ka pisa ba la ai ram. Shuh shuh, ia u pud jong ka ram ba lah ban ai la kyntiew sha ka T. 7.50 lak haba ianujor bad ka T 1.50 lak kumba ju long mynshuwa.
Ha ka prokram ban pyllait paidbah ia kane ka skhim ba la pynlong ha Kaushal Bhawan, u Jayant Chaudhary, Myntri Khynnah (Independent Charge), ka Tnat Skill Development & Entrepreneurship (MSDE) bad Myntri Khynnah ka Tnat Kam Pule Puthi u la ong ba ka jingsdang ia ka skhim Model Skill Loan ka long u mawmer ia ka tnad Skill Development and Entrepreneurship.
U la ong ba kane ka skhim ka pynkupbor ia ki samla lyngba ka jingai jingkyrshan pisa ban pyntbit ialade lyngba ka jingai ki ram bym hap buh bynda kiba haduh T 7.5 lak. Ki NBFC, NBFC-MFI, & ki bank ba rit ruh mynta ki lah ban ai ia kine ki ram. U la ong ba katba ka pyrthei, ba kynthup ruh ia ka India, ka mad ia ki jingkylla ba sted ha ki kam teknoloji, ki jingai jinghikai bad ki jaka trei jong ngi ruh ki dei ban kylla.
Ngi dang trei na ka bynta ka thong na ka bynta u snem 2047, ha kaba ka Sorkar ka la pyrkhat bniah shaphang kine ki jingkylla; kane ka skhim Model Skill Loan ka dei ka jingkylla bad ka jingpyllait kumba la dawa da ki paidbah, u la ong.
Ha ka jingai jingkren jong u ha kane ka sngi, u Atul Kumar Tiwari, Secretary, MSDE u la ong ba ka ioh ka kot na ki sap ka dei kaba shong ha ka iew, ha kaba ka jingnang ia ki kam ba thymmai ka la iasoh bad ki kam pyntbit ialade. U la ong ruh ba ki samla na ki jaka sor bad ki jaka ba marjan ia ki jaka sor ki iohi ia ki lad ki lynti ban pyntbit ialade bad kyntiew ia ka kamai kajih.
U la ong ba lyngba kane ka sienjam, ki samla ki lah ban jied ia ki kam bapher bapher ban pyntbit ialade naduh ki kam ai jingsumar nongpang, IT, AI data science, cloud application, digital marketing, hospitality, animation, gaming, graphic designing, bad drone technology. Kine ki jingai jinghikai, kiba wan namar ki jingkylla ha ki kam, ki wanrah ia ki lad ioh kam bad ruh ka lad ban ioh kam shabar ri, u la ong.
Ha ka jing bym don ka iew ai ram na ka bynta ka jingkyntiew ia ki sap, bun ki samla ki bym kotbor ha ka pisa ki shem jingeh bha wat lada ki don sap. Ban pynthikna ka jingtyllun ka pisa ha ki kam pyntbit ialade bad ban plié lad ia ki samla ba duna jingkamai ba kin ioh jinghikai ha ka dor kaba jem.
Ka MSDE ka la sdang ia ka Credit Guarantee Fund Scheme for Skill Development (CCFSSD) ha u Naitung 2015. Ka skhim Model Skill Loan ba thymmai ka dei ka jingpynkylla ia kane. Ka pynbeit ia ki jingeh ha kaba iadei bad ki jingdonkam ia ki nongtrei kiba la tbit ha ka kam bad kine ki jingeh ki mih namar ka jingkylla sted ha ki kam teknoloji.
Ha kane ka jingialang plie paidbah la iadonlang, u Secretary, Tnat Skill Development and Entrepreneurship (MSDE), Atul Kumar Tiwari; AICTE, u T.G. Sitharam; Senior Economic Advisor, MSDE, u Nilambuj Sharan; ryngkat u CEO, NSDC, bad MD, NSDC International, Ved Mani Tiwari; u Chairman, National Credit Guarantee Trustee Company (NCGTC), Durgesh Pandey, u Deputy CEO, Indian Banks Association, Gopal Bhagat bad u CEO, Eduvanz Financial Services, Varun Chopra.
