Shillong, Naiwieng 15: ka myntri ba dei peit ia ka tnad k koit ka ka khiah ka Dr. Ampareen Lyngdoh kala ong ba kala pynpaw ba ka sorkar ka siew ia ki da kaba la buh ia ka dor khlem tam ne duna T.2000/- tyngka shibnai na ka sorkar jylla.
Katba na ka sorkar pdeng pat k siew ia ki katkum ak jingtrei ha ki kam kaba ki trei, la ong ba ki ASHA kim lah ban pyniaryngkat kyrdan bad ki nongtrei sorkar namar ki nongtrei sorkar ki don da ka por ban trei katba ki ASHA ka long katkum ka jingdon ki kam ne da ka mon laitluid.
Ka myntri ka la pynpaw ruh ba ki ASHA ki trei katkum ki kyndon ba la pruid dak jong ka NRHM bad ki kam ki jingtrei jong ki ha ba ki trei ki ioh ia ki jingsiew ki bapher bapher bapher la ka long na ka liang ka sorkar pdeng bad na ka sorkar jylla.
Ka sorkarJylla ha kine ki khyndiat bnai ba la dep ka sorkar kala ioh ban siew lut baroh ki jingioh jingmyntoi jong ki ASHA ka ba kynthup ruh ia ka tulop ka ba ki dei ban ioh ka ba la kot sha ka 16.23 klur tyngka jong u snem 2021 -2022 ka ba dei ka jingioh ba ki dei ban ioh man ubnai.
Ka jingsiew kaba T.21.96 klur tyngka crore ka ba ki dei ban ioh kum ka jingsiew ia kaba ki kitrei na ka NHM ruh ka sorkar ka la dep ban siew bad mynta ka sorkar ka dang pynkhreh ban shna ia ka jingsiew ia u snem 2022 – 2023.
Ka jingmang pisa kaba ka sorkar kala pynkhreh ka long T. 16.98 klur tyngka. La ong ba ka jylla ka don haduh 7000 tylli ki shnong bad ka jingdon kam ia ki ASHA ruh kan long haduh 7000 ngut.
