Shillong, Rymphang 24: U Myntri ba dei peit ia ka tnad kam bor ding u bah Metbah Lyngdoh haba jubad ia ka jingkylli ba la wanrah da u bah Paul Lyngdoh haba iadei bad ki jaka pynmih bor ding la ong ba ia ki trai jaka la ai kam ai jam kum ki nongtrei ba pura.
U Myntri u la ong ba katba um pat ioh ia ka jingmynjur ban don ki kam kiba lait ka sorkar ka thung shwa ia ki shipor bad hadien ba la ioh ia ka jingmynjur ia ki kam ba lait ka sorkar kan sa pynskhem ia ka kam kaba ki trei kane ka long ba ka sorkar ka iarap namar ba ki la ai ia ka jaka ban shna ia ki jaka pynmih bor ding.
Ha ka jingjubab bynrap U myntri rangbah ka jylla u la ong ba kan nym don kano kano ka jingktah ia ka jingtrei kam ba man ka sngi namar ba ki ki dei kiba trei ha ka jaka ba don ka jaka pynmih bor ding electrict.
U Myntri rangbah u la ai nuksa kum ka Leshka ki don 69 ngut kiba ka sorkar ka la thung kum ki nongtrei ba pura, 72 ngut kiba trei kontrak na kine 70 ngut ki dei na katei ka thain bad 2 ngut ki dei na kawei pat, ha Umiam ki don 29 ngut, 26 ngut ki dei na katei ka thain bad 3 ngut na shawei pat kiba dei ki nongtrei ba pura 12 ngut kiba trei kontrak na kine 2 ngut ki dei na shawei pat ki jaka.
