Shillong, Kyllalyngkot 23: Ki kynhun seng bhalang na Garo Hills mynta ka sngi kila phah da ka jingthoh sha u myntri rangbah ka jylla u Conrad K Sangma ha kaba ia dei bad ka jingshah pyniap u Dilseng M Sangma ha Goalgaon, ia ka jingthoh la phah lyngba ka ophis u DC ka West Garo Hills District mynta ka sngi.
Kane ka jingthoh ki seng bhalang kila kynnoh ba ka jingkawang maw haduh ban da iap dei ki nongtih maw beain ha shnong Wadagokgre kaba hap hapoh jong ka jingpeit peit ka Rajabala police station ka West Garo hills District ha kaba ki pynrem jur ia kane ka jingshah pyniap u Dilseng.
Kila thoh ba wat ong ba kane ka dei ka jingjia kaba shu jia ryngkhat hynrei kane ka dei ka jingpynkyndit bad kane ka dei ka jngjyllei kiba wan rung beain bad kane ka ialam sha ka jingtihmaw beain, pom dieng beain ha ki bynta ka sep ngi ka Garo Hills.
Dei halor kane ba ki dawa ban pyntrei kam ia ka Migrant Workman Permit System (MWPS) bad ia ka Meghalaya Residents Safety and Security Act (MRSSA), wat la ka pyntrei kam ia ka Garo Hills District (Transfer of Land) Act 1955 bad ia ka Meghalaya Land Transfer Act 1972, hynrei khlem leh ei ei ia ki nongwan shong beain kiba la bun bha mynta.
Kumba ka paw mynta ka sorkar kam shym lah ban pynduh ia kine ki jingtih maw beain, ka jingpom beain ia ki dieng na ki khlaw sorkar, ki pulit ki bor jong ka GHADC bad ka sorkar kim shym lah ban leh ei ei ban ia da ia ka mariang bad kane ka pynmih ia ka jingiakynad jaidbynriew.
Na ka liang jong ki seng bhalang kila ai jingmut sha u myntri rangbah ka jylla ba ka dei ban don ka jingiatreilang hapdeng ka tnad ba bat ia ka khyndew, ka tnad khlaw, ka GHADC, ki bor jong ka District bad ki pulit kin ia treilang ban weng ia ki ba shong beain ha ki jaka puta, ha ka juh ka por ban khang ia ki paw maw ba tih beain.
Ki kynhun seng bhalang kila ai jingmut ban buh ia ki pulit ha ki jaka ba don jingma namar ki don shibun ki jaidbynriew bapher bapher lada don kano kano ka jingjia kan eh shibun ban tem lada kim don ki pulit ha ki jaka ba don jingma.
Ha kane ka jingthoh la dawa ba ka sorkar ka dei ban siew bai lutksan kaba shiphew lak tyngka, ki tip ba ki pulit ki tohkit ia kane ka jingjia, hooid ka sorkar kala thung ia ka Special Investigation Team (SIT) bad kane kan pynioh ia ka jingshaniah bad ki ngiet ba ki bor ba dei peit kin leh ia kaba don kam.
